തിരുവനന്തപുരത്ത് ഞാൻ തന്നെ, ഈ ജനത കൈവിടില്ലെന്ന വിശ്വാസമുണ്ട്: കുമ്മനം രാജശേഖരൻ

അടുത്ത അഞ്ച് വര്‍ഷം ഇന്ത്യ ആര് ഭരിക്കും? അതറിയാന്‍ ഇനി മണിക്കൂറുകള്‍ മാത്രം. കേരളത്തിലും അവസ്ഥ മറിച്ചല്ല. കേരള ജനത ആർക്കൊപ്പമാണെന്ന് ഇന്നറിയാം. യു ഡി എഫിന്റെ തുഷാർ വെള്ളാപ്പള്ളിയും ബിജെപിയുടെ കുമ്മനം രാജശേഖരനും എൽ ഡി എഫിന്റെ സി ദിവാകരനും മത്സരിക്കുന്ന മണ്ഡലമാണ് തിരുവനന്തപുരം. 

തിരുവനന്തപുരത്തെ ജനങ്ങൾ തന്നെ കൈവിടില്ലെന്ന വിശ്വാസം തനിക്കുണ്ടെന്ന് കുമ്മനം പ്രതികരിച്ചു. ഈ നാട്ടിലെ ജനങ്ങളുടെ ആവലാതി ഞാൻ ജയിക്കുന്നതോടെ മാറും. - കുമ്മനം പറഞ്ഞു.  

ഏഴ് ഘട്ടങ്ങളിലായി നടന്ന തെരഞ്ഞെടുപ്പിന്‍റെ ഫലം അറിഞ്ഞുതുടങ്ങുകയാണ്. രാജ്യത്തോടൊപ്പം കേരള രാഷ്ട്രീയത്തിലും അസാധാരണമായ ചലനങ്ങള്‍ സൃഷ്ടിക്കാന്‍ പോകുന്ന തെരഞ്ഞെടുപ്പാണ് നടന്നത്. 

എക്സിറ്റ് പോളുകളെല്ലാം യു ഡി എഫിന് അനുകൂലമായിരുന്നു. എന്നാല്‍ അതില്‍ നിന്ന് വ്യത്യസ്തമായി എല്‍ ഡി എഫ് കരുത്തുകാട്ടുമോ എന്നറിയാനും ഇനി മണിക്കൂറുകള്‍ മാത്രം. കേരളത്തില്‍ നിന്ന് ഒരു ബി ജെ പി എം പി ലോക്സഭയിലേക്കെത്തുമോ എന്ന ചോദ്യത്തിനും ഇന്ന് ഉത്തരമാകുകയാണ്.