സുഭാഷ് ചന്ദ്രനും കുരീപ്പുഴയ്ക്കും അക്കാദമി അവാര്ഡ്
തൃശൂര്‍ , ബുധന്‍, 1 ഓഗസ്റ്റ് 2012 (18:21 IST)
കഴിഞ്ഞ വര്‍ഷത്തെ കേരള സാഹിത്യ അക്കാദമി അവാര്‍ഡുകള്‍ പ്രഖ്യാപിച്ചു. നോവലിനുള്ള അവാര്ഡ് സുഭാഷ് ചന്ദ്രന് (മനുഷ്യന്‌ ഒരാമുഖം ) ലഭിച്ചു. കുരീപ്പുഴ ശ്രീകുമാറിനാണ് കവിതയ്ക്കുള്ള അവാര്ഡ് (കീഴാളന്‍), ചെറുകഥയ്ക്ക് യു കെ കുമാരനും (പോലീസുകാരന്റെ പെണ്‍മക്കള്‍) അവാര്ഡ് ലഭിച്ചു.മറ്റ് അവാര്‍ഡുകള്‍: ബാലസുബ്രഹ്‌മണ്യന്‍ ( നാടകം), ബി രാജീവന്‍ (സാഹിത്യവിമര്‍ശനം), എല്‍ എസ്‌ രാജഗോപാലന്‍ (വൈജ്‌ഞാനിക സാഹിത്യം), കെ ആര്‍ ഗൗരിയമ്മ (ആത്മകഥ), ടി എന്‍ ഗോപകുമാര്‍ (യാത്രാവിവരണം), കെ ബി പ്രസന്നകുമാര്‍, കെ രാധാകൃഷ്‌ണന്‍ (ബാലസാഹിത്യം), ലളിതാംബിക (ഹാസ്യസാഹിത്യം) എന്നിവയാണ്‌ മറ്റ് അവാര്‍ഡുകള്‍.ഐ സി ചാക്കോ അവാര്ഡ്: ഡോ കെ എന്‍ മേരി(മലയാള വ്യാകരണ സിദ്ധാന്തങ്ങള്‍, ഭാഷാശാസ്‌ത്രം, വ്യാകരണം, ശാസ്‌ത്രപഠനം). കനകശ്രീ അവാര്ഡ്: ആര്യാംബിക (തോന്നിയ പോലൊരു പുഴ, കവിതാസമാഹാരം). സി ബി കുമാര്‍ അവാര്ഡ്: എസ്‌ ഗോപാലകൃഷ്‌ണന്‍ (കഥ പോലെ ചിലതു സംഭവിക്കുമ്പോള്‍, ഉപന്യാസം). കെ ആര്‍ നമ്പൂതിരി അവാര്ഡ്: പ്രൊഫ തുറവൂര്‍ വിശ്വംഭരന്‍ (മഹാഭാരത പര്യടനം ഭാരതദര്‍ശനം: പുനര്‍വായന, വൈദിക സാഹിത്യം). ഗീതാ ഹിരണ്യന്‍ അവാര്ഡ്: ധന്യാരാജ് (പച്ചയുടെ ആല്‍ബം, ചെറുകഥ). ജി എന്‍ പിള്ള അവാര്ഡ്: ഡോ ആന്നിയില്‍ തരകന്‍ (ഭാരതീയ ദര്‍ശനം ഇംഗ്ലീഷ്‌ കവിതയില്‍, വൈജ്‌ഞാനിക സാഹിത്യം). എന്നി എന്‍ഡോവ്‌മെന്റ്‌ അവാര്‍ഡുകളും പ്രഖ്യാപിച്ചു.
Follow Webdunia malayalam
