'സൂരരൈ പോട്ര്' ഹിന്ദിയിലേക്ക്, നായകന്‍ അജയ് ദേവ്‌ഗണ്‍ ?

സൂര്യയുടെ 'സൂരരൈ പോട്ര്' ഹിന്ദിയിലേക്ക് റീമേക്ക് ചെയ്യുന്നു. നവംബർ 12ന് ആമസോൺ പ്രൈമിൽ റിലീസ് ചെയ്ത ചിത്രത്തിന് മികച്ച പ്രതികരണമാണ് ലഭിക്കുന്നത്. ഹിന്ദി പതിപ്പും സുധ കൊങ്കാര തന്നെ സംവിധാനം ചെയ്യുമെന്നാണ് വിവരം. അഭിനേതാക്കളെയും ക്രൂവിനെയും കുറിച്ചുള്ള വിശദാംശങ്ങൾ അടുത്തുതന്നെ പുറത്തുവരും. അജയ് ദേവ്‌ഗണ്‍ ചിത്രത്തില്‍ നായകനായേക്കുമെന്ന് സൂചനയുണ്ട്. എന്നാൽ ഔദ്യോഗിക പ്രഖ്യാപനം ഇതുവരെ ഉണ്ടായിട്ടില്ല.

നെടുമാരനെയും ബൊമ്മിയേയും ഇരുകൈയും നീട്ടിയാണ് പ്രേക്ഷകർ സ്വീകരിച്ചത്. ഒരു വിമാന ബിസിനസ്സ് സ്വന്തമാക്കണം എന്നു സ്വപ്നം കാണുന്ന ഒരു സാധാരണ മനുഷ്യൻറെ ജീവിതയാത്ര ആസ്വാദകരുടെ ഹൃദയത്തിൽ തൊട്ടു. എയർ ഡെക്കാൻ സ്ഥാപകനായ ജി ആർ ഗോപിനാഥിന്റെ ജീവിതത്തെ ആസ്പദമാക്കിയാണ് 'സൂരരൈ പോട്ര്' നിർമിച്ചത്.