ലക്ഷണമൊത്ത പെണ്‍കോന്തനായ സുരേഷ് മരിച്ച് സ്വര്‍ഗ്ഗത്തിലെത്തി.
സ്വര്‍ഗത്തില്‍ വായില്‍ നോക്കി നടന്ന സുരേഷ് ഒരുദിവസം ദൈവത്തെ വഴിയില്‍ വെച്ച് കണ്ട് മുട്ടി. ഭൂമിയിലായിരുന്നപ്പോഴെ തന്‍റെ മനസ്സിനെ അലട്ടിയിരുന്ന ചില സംശയങ്ങള്‍ സുരേഷ് ദൈവത്തോട് ചോദിച്ചു,
“ അങ്ങ് എന്തിനാണ് സ്ത്രീകള്‍ക്ക് ഇത്രയധികം സൌന്ദര്യം നല്‍കിയത്?”
ദൈവം: പുരുഷന്‍മാരെ ആകര്‍ഷിക്കാന്‍
ഒരു ചോദ്യത്തിന് ഉത്തരം കിട്ടിയ സുരേഷ് അടുത്ത ചോദ്യം ചോദിച്ചു,
“അങ്ങ് സ്ത്രീകള്‍ക്ക് എന്തിനാണ് ഇത്രയും ക്ഷമാശീലം നല്‍കിയത്?”
ദൈവം:കുഞ്ഞുങ്ങളെ പത്ത് മാസം ചുമന്ന് പ്രസവിക്കാന്‍.
ഇതു കൂടി കേട്ടതിന്‍റെ ആനന്ദത്തില്‍ സുരേഷ് തന്‍റെ അവസാനത്തെ സംശയം ചോദിച്ചു,
“ അങ്ങ് സ്ത്രീകള്‍ ഇത്രയും കഴിവുകള്‍ നല്‍കിയിട്ടും അവര്‍ക്ക് ബുദ്ധി മാത്രം നല്‍കാത്തത് എന്ത് കൊണ്ടാണ്”
സഹികെട്ട ദൈവം ദേഷ്യത്തോടെ പറഞ്ഞു,
“നിന്‍റെയൊക്കെ കൂടെ ജീവിക്കാന്‍..!”
