ആരും ചെയ്യാന്‍ മടിക്കുന്ന കാര്യം! - കനിഹ ചെയ്തു, ഇതാണ് ധൈര്യം!
ചോരയില്‍ കുളിച്ചു കിടക്കുന്നവരുടെ ചിത്രങ്ങള്‍ പകര്‍ത്തി ‘ഞാനൊന്നും കണ്ടില്ലേ’ എന്ന ഭാവത്തില്‍ പോകുന്നവര്‍ കനിഹയെ കണ്ട് പഠിക്കണം!
റോഡ് അപകടങ്ങള്‍ ദിനം‌പ്രതി വര്‍ധിച്ച് വരികയാണ്. അപകടത്തിപ്പെട്ട് കിടക്കുന്നവരെ രക്ഷിക്കാന്‍ ആരും ശ്രമിക്കാറില്ല. അവരുടെ ചിത്രങ്ങള്‍ മൊബൈലില്‍ പകര്‍ത്തി സ്ഥലം കാലിയാക്കാനാണ് പലരും ശ്രമിക്കുക. എന്നാല്‍, ഇങ്ങനെയുള്ളവര്‍ക്കിടയില്‍ വ്യത്യസ്തയായിരിക്കുകയാണ് നടി കനിഹ.
റോഡ് അപകടത്തില്‍ പരുക്കേറ്റ വൃദ്ധനെ ആരുപത്രിയില്‍ എത്തിച്ച് മാതൃകയായിരിക്കുകയാണ് കനിഹ. മകനെ സ്കൂളില്‍ വിട്ട് വരുന്ന വഴിക്കാണ് അപകടം കനിഹ കാണുന്നത്. ചിലര്‍ നോക്കിയിട്ട് മൈന്‍ഡ് ചെയ്യാതെ പോകുന്നു. മറ്റു ചിലര്‍ കണ്ടില്ലെന്ന ഭാവത്തില്‍. കൂടുതല്‍ ഒന്നും ആലോചിക്കാതെ വൃദ്ധനെ തന്റെ കാറില്‍ കയറ്റി അടുത്തുള്ള ആശുപത്രിയില്‍ എത്തിച്ചിരിക്കുകയാണ് നടി.
അതോടൊപ്പം, പൊലീസിനേയും അദ്ദേഹത്തിന്റെ കുടുംബത്തേയും വിവരമറിയിക്കാനും കനിഹ മറന്നില്ല. അപകടം സംഭവിച്ചയാളുടെ ചോര കാറിനുള്ളില്‍ ഒഴുകിയിരുന്നു. ഇത് ഫോട്ടോയെടുത്ത് കനിഹ തന്നെയാണ് ഇക്കാര്യം ഫേസ്ബുക്കിലൂടെ അറിയിച്ചത്.
നമ്മള്‍ കാരണം ഒരാളുടെ ജീവന്‍ രക്ഷിക്കാന്‍ കഴിഞ്ഞാല്‍ അതിലും വലിയ സന്തോഷമില്ലെന്ന് കനിഹ പറയുന്നു. ഈ പോസ്റ്റ് കണ്ട് ഒരാള്‍ക്കെങ്കിലും അതൊരു പ്രചോദനമാകട്ടെ എന്നുകരുതിയാണ് ഇതിടുന്നതെന്നും കനിഹ പറയുന്നുണ്ട്.
