തമിഴ്നാട്ടില്‍ ബസും ട്രക്കും കൂട്ടിയിടിച്ച് പതിനെട്ട് മരണം; നിരവധി പേര്‍ക്ക് പരുക്ക്
തമിഴ്‌നാട്ടിലെ കൃഷ്ണഗിരിയില്‍ ബസും ട്രക്കു കൂട്ടിയിടിച്ചുണ്ടായ അപകടത്തില്‍ പതിനെട്ട് മരണം. നിരവധി പേര്‍ക്ക് പരുക്കേറ്റിട്ടുണ്ട്.
തമിഴ്‌നാട്ടിലെ കൃഷ്ണഗിരിയില്‍ ബസും ട്രക്കു കൂട്ടിയിടിച്ചുണ്ടായ അപകടത്തില്‍ പതിനെട്ട് മരണം. നിരവധി പേര്‍ക്ക് പരുക്കേറ്റിട്ടുണ്ട്. മരിച്ചവരില്‍ ആറ് സ്ത്രീകളും ഒരു കുട്ടിയും ഉള്‍പ്പെടുന്നു. പരിക്കേറ്റവരെ അടുത്തുള്ള സര്‍ക്കാര്‍ ആസ്പത്രിയില്‍ പ്രവേശിപ്പിച്ചു.
വെള്ളിയാഴ്ച വൈകുന്നേരം കൃഷ്ണഗിരിയിലെ ബെരിഗായില്‍ നിന്നും കര്‍ണാടകയിലെ ഹൊസൂരിലെക്ക് പോവുകയായിരുന്ന സ്വകാര്യ ബസിലേക്ക് എതിരെ വന്ന ട്രക്ക് ഇടിക്കുകയായിരുന്നു.
തുടര്‍ന്ന് നിയന്ത്രണം നഷ്ടപ്പെട്ട ട്രക്ക് ബസിലിടിക്കുകയും ട്രക്കിന്റെ ടയറുകള്‍ പൊട്ടിത്തെറിച്ച് ബസിനു പിന്നില്‍ വരികയായിരുന്ന കാറില്‍ ഇടിക്കുകയും ചെയ്തു. തുടര്‍ന്നാണ് അപകടമുണ്ടായത്. പൊലീസും അഗ്‌നിശമന സേനയും ഉടന്‍തന്നെ സംഭവസ്ഥലത്തെത്തി രക്ഷാപ്രവര്‍ത്തനം ആരംഭിച്ചു.
സംഭവത്തില്‍ തമിഴ്‌നാട് മുഖ്യമന്ത്രിയായ ജയലളിത അനുശോചനം രേഖപ്പെടുത്തി. മരിച്ചവരുടെ കുടുംബങ്ങള്‍ക്ക് 1,00,000 രൂപയും പരിക്കേറ്റവര്‍ക്ക് 50,000 രൂപയും തമിഴ്‌നാട് സര്‍ക്കാര്‍ നഷ്ടപരിഹാരം പ്രഖ്യാപിച്ചു.
