മുംബൈയില്‍ നാലുനില കെട്ടിടം തകര്‍ന്നു വീണ് 2 മരണം. 40ലധികം പേർ കെട്ടിടത്തിനുള്ളിൽ കുടുങ്ങിയതായാണ് റിപ്പോർട്ട്. ദേശീയ ദുരന്ത നിവാരണ സേനയുടെ മൂന്നു സംഘം രക്ഷാപ്രവര്‍ത്തനം തുടരുകയാണ്.
കുടുങ്ങി കിടക്കുന്നവരില്‍ കുട്ടികളും സ്‌ത്രീകളുമുണ്ട്. ഡോങ്ഗ്രിയിലെ തണ്ടല്‍ സ്ട്രീറ്റിലെ കെട്ടിടമാണ് 11.40ന് തകര്‍ന്നുവീണത്. കനത്ത മഴയെ തുടര്‍ന്ന് കഴിഞ്ഞയാഴ്ച വെള്ളം കയറിയ പ്രദേശത്താണു ഈ കെട്ടിടം.
നിരവധി കെട്ടിടങ്ങള്‍ക്കു നടുവില്‍ ഇടുങ്ങിയ വഴികളാണ് ഇവിടുള്ളത്. ഇതു രക്ഷാപ്രവര്‍ത്തനത്തെ പ്രതികൂലമായി ബാധിക്കുന്നതായും റിപ്പോര്‍ട്ടുണ്ട്.
ഏകദേശം 90-100 വര്‍ഷം പഴക്കമുള്ള കെട്ടിടമാണിതെന്ന് തദ്ദേശവാസികള്‍ പറഞ്ഞു. 80തോളം കുടുംബങ്ങളാണ് ഇവിടെ താമസിച്ചിരുന്നത്.
