Select Your Language

Notifications

webdunia
webdunia
webdunia
webdunia

വിമാനത്തില്‍ യാത്ര ചെയ്യണോ ? എങ്കില്‍ ആധാര്‍ കാര്‍ഡ് നിര്‍ബന്ധം; പുതിയ നിയമവുമായി കേന്ദ്രസര്‍ക്കാര്‍

ആഭ്യന്തര വിമാനയാത്രയ്ക്കും ആധാര്‍ നിര്‍ബന്ധമാക്കുന്നു

aadhaar card
ന്യൂഡല്‍ഹി , ഞായര്‍, 9 ഏപ്രില്‍ 2017 (10:54 IST)
ഇനിമുതല്‍ ആഭ്യന്തര വിമാനയാത്രകള്‍ക്ക് ആധാറോ അല്ലെങ്കില്‍ പാസ്പോര്‍ട്ടോ നിര്‍ബന്ധമാക്കാന്‍ കേന്ദ്രം ഒരുങ്ങുന്നു. യാത്രാവിലക്കുപട്ടിക നടപ്പിലാക്കുന്നതിന്റെ ഭാഗമായാണ് ഇത്തരമൊരു നടപടിയെന്ന് കേന്ദ്ര വ്യോമയാന മന്ത്രാലയത്തില്‍ നിന്നുള്ള വൃത്തങ്ങള്‍ വ്യക്തമാക്കി. ടിക്കറ്റ് ബുക്ക് ചെയ്യുമ്പോള്‍ തിരിച്ചറിയല്‍ വിവരങ്ങള്‍ കൂടി ശേഖരിക്കാനുള്ള സംവിധാനം അടുത്ത മൂന്നുമാസത്തിനകം നടപ്പിലാക്കുമെന്നാണ് പുറത്തുവരുന്ന വിവരം.
 
കുറ്റകൃത്യങ്ങളുടെ തീവ്രതയനുസരിച്ചായിരിക്കും വിലക്കുപട്ടികയിലുള്ള യാത്രികരെ നാലായി തിരിക്കുക. യാത്രാവിലക്കിന്റെ കാലാവധി ഉള്‍പ്പെടെയുള്ള കാര്യങ്ങള്‍ ഇതുപ്രകാരമാകും തീരുമാനിക്കുക. വിലക്കുപട്ടിക നടപ്പിലാക്കുന്നതിനായി എല്ലാ യാത്രികരുടെ വ്യക്തിവിവരങ്ങളും അറിഞ്ഞിരിക്കണം.വിമാനടിക്കറ്റ് ബുക്ക് ചെയ്യുന്ന സമയം ആധാര്‍ അല്ലെങ്കില്‍ പാസ്പോര്‍ട്ട് നമ്പര്‍ കൂടി ചേര്‍ക്കുന്നതിലൂടെ ഇത് നടപ്പിലാക്കാമെന്നും മന്ത്രാലയത്തിലെ ഉയര്‍ന്ന ഉദ്യോഗസ്ഥന്‍ വ്യക്തമാക്കി. 

Share this Story:

Follow Webdunia malayalam

അടുത്ത ലേഖനം

നന്തന്‍കോട് ഒരു കുടുംബത്തിലെ നാല് പേര്‍ കൊല്ലപ്പെട്ടു; അന്വേഷണം ദമ്പതികളുടെ മകനിലേക്ക്