നടി റിയാ മിഖ തൂങ്ങിമരിച്ച നിലയിൽ, അന്വേഷണം കാമുകനിലേക്ക്!

തമിഴ് സിനിമാ ലോകത്തെ പ്രമുഖ നടിയായ റിയാ മിഖയെ തൂങ്ങി മരിച്ച നിലയിൽ കണ്ടെത്തി. സഹോദരന്റെ 26കാരിയായ ഫ്ലാറ്റിലാണ് റിയയെ മരിച്ച നിലയിൽ കണ്ടെത്തിയത്. എന്നാൽ ഇപ്പോൾ അന്വേഷണം കാമുകനിലേക്ക് നീളുകയാണ്.

റിയയുടെ മരണത്തെ തുടര്‍ന്ന് ചോദ്യം ചെയ്യുന്നതിനായി കാമുകന്‍ ദിനേശിനെ പൊലീസ് കസ്റ്റഡിയിലെടുത്തിട്ടുണ്ട്. ദിനേശുമായി വഴക്കിട്ടതിനെ തുടര്‍ന്നാണ് നടി ആത്മഹത്യ ചെയ്തതതെന്ന സംശയത്തിലാണ് പൊലീസ്. സീരിയലുകളിലൂടെ പ്രശസ്തയായ നടിയുടെ ആത്മഹത്യയ്ക്ക് പിന്നില്‍ മറ്റെന്തെങ്കിലും പ്രശ്നങ്ങളുണ്ടോയെന്നും പരിശോധിക്കും.

ആറുമാസത്തോളമായി ദിനേശും റിയയും പ്രണയത്തിലായിരുന്നു. അടുത്തിടെ ഇവര്‍ തമ്മില്‍ പ്രശ്നങ്ങളുണ്ടായിരുന്നതായി റിപ്പോര്‍ട്ടുകള്‍ പുറത്തുവന്നതോടെയാണ് അന്വേഷണം കാമുകനിലേക്ക് മാറിയത്. ചൊവ്വാഴ്ചയ്ക്ക് ശേഷം റിയയെ കണ്ടിട്ടില്ലെന്നാണ് ദിനേശ് പൊലീസിനോട് പറഞ്ഞത്. 

റിയയെ കാണാനില്ലെന്ന് മനസ്സിലായതോടെ റിയയുടെ സഹോദരന്‍ പ്രകാശിനെയും വിളിച്ച്‌ കണ്ടെത്താന്‍ ശ്രമിക്കുകയായിരുന്നു. ഇതിനിടയിലാണ് സഹോദരന്‍റെ വീട്ടിലെത്തിയപ്പോള്‍ അവിടെ തൂങ്ങി മരിച്ച നിലയില്‍ റിയയെ കണ്ടെത്തിയതെന്നും ഇയാള്‍ വ്യക്തമാക്കുന്നു.