ജാമിയയിൽ പൊലീസ് നരനായാട്ട്; അർധരാത്രിയിൽ തെരുവിലിറങ്ങിയത് നൂറുകണക്കിന് വിദ്യാർത്ഥികൾ, കേരളത്തിലും ശക്തമായ പ്രതിഷേധം

പൗരത്വഭേദഗതി നിയത്തിനെതിരെ നടക്കുന്ന ജനകീയ സമരങ്ങളുടെ ഭാഗമായി ജാമിയ സർവകലാശാലയിലെ വിദ്യാർത്ഥികൾക്ക് നേരെ ഡൽഹി പൊലീസ് നടത്തുന്ന നരനായാട്ടിനെതിരെ കേരളത്തിലും ശക്തമായ പ്രതിഷേധം.  

ഡിവൈഎഫ്ഐ, എസ്എഫ്ഐ, കെഎസ്‌യു, യൂത്ത് കോൺഗ്രസ്, എംഎസ്എഫ്, എസ്‌ഡിപിഐ, എസ്എസ്എഫ് പ്രവർത്തകരെല്ലാം മിന്നൽ പ്രതിഷേധവുമായി തെരുവിലിറങ്ങി. ഇന്നലെ രാത്രിയിലും ഇന്ന് പുലർച്ചെയുമായി തണുപ്പ് പോലും വകവെയ്ക്കാതെയാണ് യുവാക്കൾ പ്രതിഷേധത്തിനിറങ്ങിയത്. 

ഇന്ന് രാവിലെ എല്‍ഡിഎഫ് യുഡിഎഫ് ഒരുമിച്ചുള്ള പ്രതിഷേധങ്ങള്‍ നടക്കും. ഇരു വിഭാഗത്തെയും നേതാക്കള്‍ ഭരണഘടന സംരക്ഷിക്കണം എന്നാവശ്യപ്പെട്ട് ഇന്ന് പാളയം രക്തസാക്ഷി മണ്ഡലപത്തില്‍ ഒരുമിക്കുന്നുണ്ട്.

അതേസമയം, ജാമിയയില്‍ നിന്നു ഞായറാഴ്ച പൊലീസ് അറസ്റ്റ് ചെയ്ത അമ്പതോളം വിദ്യാര്‍ഥികളെ തിങ്കളാഴ്ച പൊലീസ് വിട്ടയച്ചു.