കൂനൂര്‍ ഹെലികോപ്റ്റര്‍ ദുരന്തത്തില്‍ സംയുക്തസേന അന്വേഷണം പ്രഖ്യാപിച്ചു

കൂനൂര്‍ ഹെലികോപ്റ്റര്‍ ദുരന്തത്തില്‍ സംയുക്തസേന അന്വേഷണം പ്രഖ്യാപിച്ചു. മാര്‍ഷല്‍ മാനവേന്ദ്രസിങിന്റെ നേതൃത്വത്തിലായിരിക്കും അന്വേഷണം നടക്കുന്നത്. പാര്‍ലമെന്റില്‍ പ്രതിരോധ മന്ത്രി രാജ്‌നാഥ് സിങ് ആണ് ഇക്കാര്യം അറിയിച്ചത്. ഹെലികോപ്റ്ററിന്റെ ഡേറ്റ റെക്കോര്‍ഡര്‍ അന്വേഷണ സംഘം കണ്ടെത്തിയിട്ടുണ്ട്. വിങ് കമാന്‍ഡര്‍ ഭരദ്വാജിന്റെ നേതൃത്വത്തിലാണ് പരിശോധന നടക്കുന്നത്. 25 പേരാണ് പരിശോധനാ സംഘത്തിലുള്ളത്.