അഞ്ച് സംസ്ഥാനങ്ങളില്‍ നടന്ന നിയമസഭാ തെരെഞ്ഞെടുപ്പില്‍ നാലിടങ്ങളില്‍ ഇന്ന് വോട്ടെണ്ണല്‍. രാവിലെ 8 മണി മുതലാകും വോട്ടെണ്ണല്‍ ആരംഭിക്കുക. ആദ്യഫലസൂചനകള്‍ 10 മണിയോടെയറിയാനാകും. മധ്യപ്രദേശില്‍ 230 സീറ്റുകളിലേക്കും രാജസ്ഥാനില്‍ 199 സീറ്റുകളിലേക്കും ഛത്തിസ്ഗഡില്‍ 90 സീറ്റുകളിലേക്കും തെലങ്കാനയില്‍ 199 സീറ്റുകളിലേയ്ക്കുമുള്ള ജനവിധിയാണ് ഇന്ന് വരുന്നത്.
തിങ്കളാഴ്ചയാണ് മിസോറാമിലെ വോട്ടെണ്ണല്‍. ക്രിസ്ത്യന്‍ ഭൂരിപക്ഷപ്രദേശമായതിനാല്‍ ഞായറാഴ്ച ദിവസം സംസ്ഥാനത്ത് ഞായറാഴ്ച പ്രാര്‍ഥനയടക്കമുള്ള കാര്യങ്ങള്‍ ഉള്ളതിനെ തുടര്‍ന്നാണ് ഈ തീരുമാനം. തെലങ്കാനയിലും ഛത്തിസ്ഗഡിലും കോണ്‍ഗ്രസിന് ഭൂരിപക്ഷം നേടാനാവുമെന്നാണ് എക്‌സിറ്റ് പോള്‍ സൂചന നല്‍കുന്നത്. രാജസ്ഥാനിലും മധ്യപ്രദേശിലും ബിജെപിക്കാണ് എക്‌സിറ്റ് പോളുകള്‍ സാധ്യത നല്‍കുന്നത്.
