മുസ്ലിം ജനസംഖ്യ വര്‍ധിക്കാന്‍ കാരണം തൊഴിലില്ലായ്മ; വിവാദ പരാമർശവുമായി അസംഖാൻ
മുസ്ലീം ജനസംഖ്യയുടെ വർധനയ്ക്കു കാരണം തൊഴിലില്ലായ്മയെന്ന് അസംഖാൻ
വിവാദ പരാമർശവുമായി വീണ്ടും ഉത്തർപ്രദേശ് മന്ത്രി അസംഖാൻ രംഗത്ത്. രാജ്യത്തെ മുസ്ലിം ജനസംഖ്യ കൂടാൻ കാരണം വർധിച്ചുവരുന്ന തൊഴിലില്ലായ്മയാണെന്നും വെറുതെയിരിക്കുമ്പോൾ കുഞ്ഞുങ്ങൾക്കു ജൻമം നൽകുകയല്ലാതെ മറ്റൊന്നും അവർക്കു ചെയ്യാനില്ലെന്നുമായിരുന്നു അസംഖാന്റെ പരാമര്‍ശം.
രാജ്യത്തെ മുസ്ലീം ജനതയ്ക്ക് ജോലി നൽകാൻ മോദി സർക്കാർ ശ്രമിച്ചിരുന്നെങ്കിൽ ഇങ്ങനെ സംഭവിക്കില്ലായിരുന്നുവെന്നും അലഹബാദിൽ നടന്ന സമാജ്വാദി പാർട്ടിയുടെ തിരഞ്ഞെടുപ്പു റാലിയിൽ സംസാരിക്കവെ അസംഖാൻ പറഞ്ഞു. അദ്ദേഹത്തിന്റെ പ്രസ്താവനയ്ക്കെതിരെ നിരവധിപേര്‍ രംഗത്തെത്തി.
