ഉറങ്ങുകയാണെന്ന് കരുതി; ആറ് മാസം പ്രായമായ മകൻ മരിച്ചതറിയാതെ മാതാപിതാക്കളുടെ വിമാനയാത്ര

ചെന്നൈയിലുള്ള മാതാപിതാക്കളെ കാണാൻ കുഞ്ഞുമായി യാത്രചെയ്യുകയായിരുന്നു ഇരുവരും.

ആറ് മാസം പ്രായമായ മകൻ മരിച്ചതറിയാതെ ഓസ്ട്രേലിയയിൽ നിന്ന് ചെന്നൈയിലേക്ക് ദമ്പതികളുടെ വിമാനയാത്ര. ചെന്നൈയിലുള്ള മാതാപിതാക്കളെ കാണാൻ കുഞ്ഞുമായി യാത്രചെയ്യുകയായിരുന്നു ഇരുവരും. ശക്തി മുരുകൻ, ദീപ ദമ്പതികളുടെ മകൻ ഹൃതിക്കാണ് വിമാനയാത്രയ്‌ക്കിടെ മരിച്ചത്.

ഓസ്ട്രേലിയയിൽ ഐടി ജീവനക്കാരാണ് മുരുകനും ദീപയും. ചെന്നൈയിൽ വിമാനമിറങ്ങിയതിനു ശേഷമാണ് കുട്ടിക്ക് ബോധമില്ലെന്ന് ഇവർ അറിഞ്ഞത്. ഉടൻതന്നെ വിമാനത്താവളത്തിലെ പ്രഥമ ശുശ്രൂഷ കേന്ദ്രത്തിൽ എത്തിച്ചു. കുട്ടി മരിച്ചതായി ഡോക്‌ടർമാർ സ്ഥിരീകരിച്ചു. 

ചെന്നൈയിൽ വിമാനങ്ങിറങ്ങിയപ്പോൾ കുഞ്ഞ് ഉറങ്ങുകങ്ങുകയാണെന്നാണ് ആദ്യം കരുതിയത്. വിളിച്ചിട്ടും ഉണരാഞ്ഞതിനെ തുടർന്നാണ് വൈദ്യസഹായം ആവശ്യപ്പെട്ടത്. സംഭവത്തിൽ അസ്വഭാവിക മരണത്തിന് പൊലീസ് കേസെടുത്തു.