കണ്ണും മൂക്കുമില്ലാത്ത പ്രേമമാണെങ്കില്‍ അവിടെ പ്രായമോ പദവിയോ ഒന്നും ആരും നോക്കാറില്ല. അത്തരമൊരു പ്രണയമായിരുന്നു ബംഗലുരുവിലെ ഒരു സ്‌കൂളില്‍ പ്രിന്‍സിപ്പലായ മലയാളി 40 കാരിയും സ്‌കൂളില്‍ റിസിപ്ഷനിസ്റ്റും നാട്ടുകാരനുമായ 20 കാരനും തമ്മിലുള്ള പ്രണയം.
എന്നാല്‍ കഴിഞ്ഞ ദിവസം സ്‌കൂള്‍ പ്രിന്‍സിപ്പലായ കാമുകി തന്നെ അവഗണിക്കുന്നതിലെ നിരാശമൂലം പയ്യന്‍ കൈ ഞരമ്പ് മുറിച്ച് ആത്മഹത്യയ്ക്ക് ശ്രമിക്കുന്നത് വരെ പ്രണയം ആരും അറിഞ്ഞിരുന്നില്ല. എന്നാല്‍ ആ സംഭവം നടന്നതോടെ എല്ലാം പുറത്തായി.
തരുണ്‍ എന്ന യുവാവാണ് ആത്മഹത്യയ്ക്ക് ശ്രമിച്ചത്. തന്റെ ഇരട്ടി പ്രായമുള്ള പ്രിന്‍സിപ്പലിനോടുള്ള ഇയാളുടെ പ്രണയത്തിന് വര്‍ഷങ്ങളുടെ പഴക്കമുണ്ട്. ഫോണിലൂടെ നിരന്തരമായി ബന്ധപ്പെട്ടിരുന്ന ഇരുവരും വാട്‌സ്ആപ്പിലൂടെയും ബന്ധം നില നിര്‍ത്തിയിരുന്നു.
എന്നാല്‍ അടുത്തിടെയാണ് തരുണിന് 40 കാരിയായ തന്റെ കാമുകിയെ വിവാഹം കഴിക്കണമെന്ന ആഗ്രഹമുദിച്ചത്. അതുമുതലാണ് കാര്യങ്ങള്‍ വഷളായിത്തുടങ്ങി. കാമുകന്റെ അതേ പ്രായത്തില്‍ ഒരു മകളുടെ അമ്മ കൂടിയായ പ്രിന്‍സിപ്പല്‍ പയ്യന്റെ ആഗ്രഹം നിര്‍ദ്ദയം തള്ളുകയായിരുന്നു.
സംഗതി രൂക്ഷമായതോടെ വിവാഹം കഴിക്കാന്‍ കൂട്ടാക്കാതെ അയാളുടെ എല്ലാ ഫോണ്‍കോളുകളും പ്രിന്‍സിപ്പല്‍ നിരസിക്കുക മാത്രമല്ല, വാട്‌സ്ആപ്പില്‍ നിന്നു കൂടി തരുണിനെ ബ്‌ളോക്ക് ചെയ്യുകയും ചെയ്യും. കേരളത്തിലെ ഒരു ബിസിനസ്സുകാരന്റെ ഭാര്യയാണ് പ്രിന്‍സിപ്പല്‍.
അവരുടെ ഭര്‍ത്താവും മകളും മിക്കവാറും ദൂരെയായിരിക്കുന്നതിനാല്‍ റിസിപ്ഷനിസ്റ്റ് പയ്യനൊപ്പം കൂടുതല്‍ സമയം ചെലവഴിക്കുന്നതിനും അയാളുടെ കൂടെ ബൈക്കിലും മറ്റുമായി കറങ്ങാനും ഇടയ്ക്കിടെ വീട്ടില്‍ കൊണ്ടുവരാനുമെല്ലാം പ്രിന്‍സിപ്പലിന് ധാരാളം അവസരങ്ങളും കിട്ടിയിരുന്നു.
എന്നാല്‍ വിവാഹത്തിനായി തരുണ്‍ നിര്‍ബ്ബന്ധിക്കാന്‍ തുടങ്ങിയതോടെയാണ് പ്രിന്‍സിപ്പലിന് ബന്ധം ബാദ്ധ്യതയായി മാറിയത്. ഇതോടെയാണ് പയ്യനുമായുള്ള എല്ലാ ബന്ധവും അവര്‍ ഒഴിവാക്കിയത്. ഇതോടെ നിരാശനായ യുവാവ് തന്റെ കൈത്തണ്ട മുറിച്ചു. ഇയാള്‍ ഇപ്പോള്‍ ആശുപത്രിയില്‍ ചികിത്സയിലാണ്.
