ബെംഗളുരു-മൈസുരു അതിവേഗപാത നാളെ പ്രധാനമന്ത്രി നരേന്ദ്രമോദി നാടിന് സമർപ്പിക്കും. ഇതോടെ 3 മണിക്കൂർ എടുക്കുന്ന യാത്ര 75 മിനിട്ടായി കുറയും. എൻ എച്ച് 275ൻ്റെ ബെംഗളുരു-നിദാഘട്ട-മൈസൂരു ഭാഗത്തിൻ്റെ 6 വരിപ്പാതയും ഈ പദ്ധതിയിൽ ഉൾപ്പെടുന്നു. 8480 കോടി രൂപ ചെലവിലാണ് 118 കിലോമീറ്റർ ദൈർഘ്യമുള്ള പദ്ധതി വികസിപ്പിച്ചിരിക്കുന്നത്.
ഉദ്ഘാടനത്തോടനുബന്ധിച്ച് നാളെ ഗതാഗത നിയന്ത്രണമുണ്ടാകും. നാളെ 6 മുതൽ 6 വരെ വാഹനങ്ങൾ സമാന്തര പാതയിലൂടെ പിരിച്ചുവിടും. എല്ലാ വാഹനങ്ങൾക്കും നിയന്ത്രണം ബാധകമാകും.
