Webdunia - Bharat's app for daily news and videos

Install App

മദ്യപിച്ച് ലക്കുകെട്ട പഞ്ചാബ് മുഖ്യമന്ത്രിയെ വിമാനത്തില്‍ നിന്ന് ഇറക്കിവിട്ടതായി റിപ്പോര്‍ട്ട്

മദ്യപിച്ചു ലക്കുകെട്ട ഭഗവന്ത് മന്‍ നേരെ നില്‍ക്കാന്‍ പോലും കഴിയാത്ത അവസ്ഥയിലായിരുന്നു എന്നാണ് റിപ്പോര്‍ട്ടില്‍ പറയുന്നത്

Webdunia
ചൊവ്വ, 20 സെപ്‌റ്റംബര്‍ 2022 (08:44 IST)
മദ്യപിച്ചു ലക്കുകെട്ട പഞ്ചാബ് മുഖ്യമന്ത്രി ഭഗവന്ത് മന്നിനെ വിമാനത്തില്‍ നിന്ന് ഇറക്കിവിട്ടതായി റിപ്പോര്‍ട്ട്. ആം ആദ്മി നേതാവ് കൂടിയായ മന്നിനെ ജര്‍മനിയിലെ ഫ്രാങ്ക്ഫര്‍ട്ട് വിമാനത്താവളത്തിലാണ് മദ്യപിച്ചു ലക്കുകെട്ട നിലയില്‍ കണ്ടെത്തിയത്. ലുഫ്താന്‍സ വിമാനത്തില്‍ ജര്‍മനിയില്‍ നിന്ന് ഡല്‍ഹിയിലേക്ക് വരാനിരിക്കുകയായിരുന്നു. ഏഴ് ദിവസത്തെ സന്ദര്‍ശനത്തിനായാണ് ഭഗവന്ത് മന്‍ ജര്‍മനിയിലേക്ക് പോയത്. 
 
മദ്യപിച്ചു ലക്കുകെട്ട ഭഗവന്ത് മന്‍ നേരെ നില്‍ക്കാന്‍ പോലും കഴിയാത്ത അവസ്ഥയിലായിരുന്നു എന്നാണ് റിപ്പോര്‍ട്ടില്‍ പറയുന്നത്. വിമാനം നാല് മണിക്കൂറോളം വൈകുകയും ചെയ്തു. ലുഫ്താന്‍സ 760 വിമാനത്തില്‍ ഡല്‍ഹിയിലേക്ക് തിരിക്കാനാണ് മന്‍ വിമാനത്താവളത്തില്‍ എത്തിയത്. അമിതമായി മദ്യപിച്ച മന്നിനെ വിമാനത്തില്‍ കയറ്റാന്‍ പറ്റില്ലെന്ന് ജീവനക്കാര്‍ നിലപാടെടുത്തു. 1.40 pm ന് പുറപ്പെടേണ്ട വിമാനം മന്‍ കാരണം പിന്നീട് 5.34 pm നാണ് പുറപ്പെട്ടതെന്ന് പറയുന്നു. പിന്നീട് പഞ്ചാബ് മുഖ്യമന്ത്രി ഇല്ലാതെയാണ് വിമാനം പുറപ്പെട്ടത്. സെപ്റ്റംബര്‍ 11 മുതല്‍ 18 വരെയായിരുന്നു മന്നിന്റെ ജര്‍മന്‍ സന്ദര്‍ശനം. 
 
അതേസമയം, മുഖ്യമന്ത്രിയുടെ ഓഫീസും ആം ആദ്മിയും ഈ ആരോപണങ്ങളെ നിഷേധിച്ചു. മുഖ്യമന്ത്രിക്ക് വിമാനത്തില്‍ കയറാന്‍ കഴിഞ്ഞില്ലന്നും ആരോഗ്യപ്രശ്നത്താലാണിതെന്നും അദ്ദേഹത്തിന്റെ ഓഫീസ് ന്യായീകരിച്ചു. പഞ്ചാബ് ജനതയെയും രാജ്യത്തെയും മുഖ്യമന്ത്രി നാണംകെടുത്തിയെന്നാരോപിച്ച് അകാലിദള്‍, കോണ്‍ഗ്രസ് തുടങ്ങിയ പ്രതിപക്ഷ പാര്‍ട്ടികള്‍ രംഗത്തെത്തി.
 

അനുബന്ധ വാര്‍ത്തകള്‍

വായിക്കുക

ജനിക്കുന്നവര്‍ മാത്രമല്ലല്ലോ മരിക്കുന്നവരും കുറവല്ലെ, പെന്‍ഷന്‍ കൊടുക്കാതിരിക്കാന്‍ പറ്റുമോ?, വിവാദമായി മന്ത്രി സജി ചെറിയാന്റെ പരാമര്‍ശം

'3500 ഓളം കുറ്റവാളികളിൽ നിന്നാണ് ആര്യനെ ഞാൻ രക്ഷപ്പെടുത്തിയത്': വെളിപ്പെടുത്തി നടന്‍ അജാസ് ഖാന്‍

കാലാവസ്ഥയിൽ മാറ്റം; ശക്തമായ മഴയ്ക്കും കാറ്റിനും സാധ്യത, രണ്ട് ജില്ലകളിൽ യെല്ലോ അലർട്ട്

പ്രായമായ സ്ത്രീകളെ വരെ ബെഡ്‌റൂമിൽ കയറ്റി വാതിലടക്കും, ചോദിച്ചാൽ അമ്മയെ പോലെ എന്ന് പറയും: ബാലയ്‌ക്കെതിരെ എലിസബത്ത് ഉദയൻ

കരളില്‍ നീര്‍ക്കെട്ടുണ്ടാക്കുന്ന എബിസി ജ്യൂസ്; അമിതമായി കുടിക്കരുത്

എല്ലാം കാണുക

ഏറ്റവും പുതിയത്

ഐബി ഉദ്യോഗസ്ഥ മേഘ മരണപ്പെടുമ്പോള്‍ അക്കൗണ്ടില്‍ ഉണ്ടായിരുന്നത് 80 രൂപ മാത്രം; സഹപ്രവര്‍ത്തകന്‍ ചൂഷണം ചെയ്‌തെന്ന് പിതാവ്

ഇന്ത്യയിലെ നാലിലൊന്ന് പോലീസുകാരും ആള്‍ക്കൂട്ട ആക്രമണത്തെ പിന്തുണയ്ക്കുന്നുവെന്ന് സര്‍വ്വേ റിപ്പോര്‍ട്ട്

എഡിഎം നവീന്‍ ബാബുവിന്റെ മരണത്തില്‍ ഏക പ്രതി പിപി ദിവ്യയെന്ന് കുറ്റപത്രം

മ്യാന്‍മറിലുണ്ടായ ഭൂകമ്പം: മരണസംഖ്യ 10000 കടക്കാന്‍ സാധ്യതയുണ്ടെന്ന് യുഎസ് ജിയോളജിക്കല്‍ സര്‍വേ

ലഹരി ഉപയോഗിക്കുന്നവർക്ക് ജോലി നൽകില്ല, തീരുമാനവുമായി ടെക്നോപാർക്കിലെ 250 കമ്പനികൾ

അടുത്ത ലേഖനം
Show comments