തിരുവനന്തപുരം: കേരളത്തിലെ ദുരിതാശ്വാസ പ്രവർത്തനങ്ങൾക്ക് എം.പി ഫണ്ട് വിനിയോഗിക്കാന്‍ രാജ്യത്തെ എല്ലാ എം.പിമാര്‍ക്കും അനുമതി നല്‍കണമെന്ന്‌ ബിനോയ് വിശ്വം എം.പി. ഇതു സംബന്ധിച്ച് ബി നോയ് വിശ്വം പ്രധാനമന്ത്രിക്ക് കത്ത് നൽകി.
മുൻപ് 2013ല്‍ ഉത്തരഖണ്ഡില്‍ പ്രകൃതിദുരന്തം ഉണ്ടായപ്പോള്‍ കേന്ദ്രസര്‍ക്കാര്‍ ഇത്തരത്തില്‍ അനുമതി നല്‍കിയിട്ടുണ്ട്. അതി രൂക്ഷമായ പ്രകൃതിദുരന്തം എന്ന നിലയിലാണ് അന്ന് സര്‍ക്കാര്‍ രാജ്യത്തെ എല്ലാ എം പിമാര്‍ക്കും ഇതുസംബന്ധിച്ച കത്ത് നല്‍കിയത്.
അത്രതന്നെ ഗുരുതരമായ സാഹചര്യമാണ് ഇന്ന് കേരളം നേരിടുന്നതെന്നും. പ്രളയത്തെ ദേശീയ ദുരന്തമായി പ്രഖ്യാപിക്കാന്‍ ഇനിയും വൈകരുതെന്നും ബിനോയ് വിശ്വം പ്രധാനമന്ത്രിക്ക് നൽകിയ കത്തില്‍ ആവശ്യപ്പെട്ടു.