'നമുക്ക് നമ്മുടെ സൈന്യത്തില്‍ വിശ്വാസമുണ്ട്'; മരിക്കുന്നതിന് മുന്‍പ് റാവത്ത് പ്രസംഗിച്ചത് ഇങ്ങനെ, അവസാന പ്രസംഗ വീഡിയോ പുറത്ത്

സംയുക്തസേനാ മേധാവി ജനറല്‍ ബിപിന്‍ റാവത്ത് വ്യാമസേനാ ഹെലികോപ്റ്റര്‍ അപകടത്തില്‍ മരിക്കുന്നതിനു മണിക്കൂറുകള്‍ മുന്‍പ് നടത്തിയ പൊതുപ്രസംഗം കരസേനാ പുറത്തുവിട്ടു. മരിക്കുന്നതിനു മുന്‍പ് റാവത്ത് നടത്തിയ അവസാന പ്രസംഗമെന്ന നിലയിലാണ് വീഡിയോ പുറത്തുവിട്ടിരിക്കുന്നത്. 1971 ലെ ബംഗ്ലാദേശ് വിമോചന യുദ്ധത്തിന്റെ 50-ാം വാര്‍ഷികത്തോടനുബന്ധിച്ച് നടത്തിയ പ്രസംഗ വീഡിയോയാണ് ഇത്. ഒരു മിനിറ്റും ഒന്‍പത് സെക്കന്‍ഡുമാണ് വീഡിയോയുടെ ദൈര്‍ഘ്യം.