ലഹരി മരുന്ന് കേസുമായി ബന്ധപ്പെട്ട് നടി ദീപിക പദുക്കോണിനെ വെള്ളിയാഴ്ച നാര്‍കോട്ടിക്‌സ് കണ്‍ട്രോള്‍ ബ്യൂറോ ചോദ്യം ചെയ്യും. ഇത് സംബന്ധിച്ച് ദീപികയ്ക്ക് എന്‍സിബി നോട്ടീസ് അയച്ചിട്ടുണ്ട്. ഈ കേസില്‍ അറസ്റ്റിലായ നടി റിയ ചക്രബര്‍ത്തിയുടെ മാനേജരായ ജയ സാഹയില്‍ നിന്നാണ് ദീപികയുമായി ബന്ധപ്പെട്ട കാര്യങ്ങള്‍ അന്വേഷണ സംഘത്തിന് ലഭിച്ചത്.
ജയയുടെ ഫോണ്‍ അന്വേഷണ സംഘം നേരത്തേ പിടിച്ചെടുത്തിരുന്നു. അതേസമയം നടി രാകുല്‍ പ്രീത് സിംഗിനോട് വ്യാഴാഴ്ച ഹാജരാകണമെന്നുകാട്ടി അന്വേഷണ സംഘം നോട്ടീസ് നല്‍കിയിട്ടുണ്ട്. സാറാ അലിഖാനോടും ശ്രദ്ധാ കപൂറിനോടും ശനിയാഴ്ച ഹാജരാകാനാണ് നോട്ടീസ് നല്‍കിയിട്ടുള്ളത്.
