മോഹൻ ഭാഗവതിന്‍റെ അകമ്പടി വാഹനമിടിച്ച് ആറുവയസുകാരൻ മരിച്ചു
പത്ത് കാറാണ് അകമ്പടിയായുണ്ടായിരുന്നത്.
ആർഎസ്എസ് അധ്യക്ഷൻ മോഹൻ ഭാഗവതിന്‍റെ അകമ്പടി വാഹനം ഇടിച്ച് ആറു വയസുകാരന്‍ മരിച്ചു. രാജസ്ഥാനിലെ ആല്‍വാറിലാണ് അപടകമുണ്ടായത്. ബുധനാഴ്ച തിജാരയില്‍നിന്ന് പരിപാടി കഴിഞ്ഞ് മടങ്ങുകയായിരുന്നു ഭാഗവത്. പത്ത് കാറാണ് അകമ്പടിയായുണ്ടായിരുന്നത്. മുത്തച്ഛനോടൊപ്പം ഇരു ചക്രവാഹനത്തില്‍ സഞ്ചരിക്കുകയായിരുന്ന സച്ചിന്‍ എന്ന കുട്ടിയാണ് മരിച്ചത്.
കൂടെയുണ്ടായിരുന്ന മുത്തച്ഛന് പരുക്കേറ്റു. അപകടത്തിന് കാരണമായ വാഹനം ഇതുവരെ പിടിച്ചെടുത്തിട്ടില്ല. സംഭവത്തില്‍ കേസ് രജിസ്റ്റര്‍ ചെയ്തെന്നും അന്വേഷണം പുരോഗമിക്കുകയാണെന്നും പൊലീസ് അറിയിച്ചു. ഇസഡ് പ്ലസ് കാറ്റഗറി സുരക്ഷയാണ് മോഹന്‍ ഭാഗവതിന് നല്‍കുന്നത്.
