ഇന്ത്യ കൊവിഡ് മഹാമാരിയെ മറികടക്കുമെന്ന് ചൈന. കൊവിഡ് പോരാട്ടത്തില്‍ ഇന്ത്യക്ക് പിന്തുണ അറിയിച്ചിരിക്കുകയാണ് ചൈനീസ് വിദേശ കാര്യമന്ത്രി വാങ് യി. ഇന്ത്യക്ക് എല്ലാവിധ സഹായങ്ങളും പ്രഖ്യാപിച്ചിരിക്കുകയാണ് ചൈനയും ബ്രിക്‌സ് രാജ്യങ്ങളും.
ബ്രിക്‌സ് രാജ്യങ്ങളുടെ വിദേശ കാര്യമന്ത്രിമാരുടെ സമ്മേളനത്തിലാണ് ഈ പ്രഖ്യാപനം നടത്തിയത്. അതേസമയം കൊറോണ വൈറസ് ചൈനീസ് ലാബില്‍ നിന്ന് പുറത്തുവന്നുവെന്ന ആരോപണത്തിന് സാധ്യതയുണ്ടെന്ന് ബ്രിട്ടീഷ് രഹസ്യാന്വേഷണ വിഭാഗം പറയുന്നു. ബ്രിട്ടീഷ് മാധ്യമങ്ങള്‍ ഞായറാഴ്ച ഇക്കാര്യം റിപ്പോര്‍ട്ട് ചെയ്തിരുന്നു.
