ജൂണിനുളളില്‍ തെരഞ്ഞെടുപ്പ് നടത്തണം; കോൺഗ്രസിന് തിരഞ്ഞെടുപ്പ് കമ്മീഷന്റെ അന്ത്യശാസനം
സംഘടനാ തെരഞ്ഞെടുപ്പിന് വീണ്ടും സമയം ആവശ്യപ്പെട്ട കോണ്‍ഗ്രസിന് തെരഞ്ഞെടുപ്പ് കമ്മീഷന്റെ അന്ത്യശാസനം
കോണ്‍ഗ്രസിന് കേന്ദ്ര തിരഞ്ഞെടുപ്പ് കമ്മീഷന്റെ അന്ത്യശാസനം. എന്തുകൊണ്ടാണ് സംഘടനാ തെരഞ്ഞെടുപ്പ് നടത്താത്തതെന്നും 2017 ജൂണ്‍ 30നകം തെരഞ്ഞെടുപ്പ് നടത്തണമെന്നും കമ്മീഷന്‍ നിര്‍ദേശിച്ചു. ഇനിയും സമയപരിധി നീട്ടി ചോദിക്കുന്നത് ഉചിതമല്ലെന്നും കമ്മീഷന്‍ അറിയിച്ചു.
ഒരുവര്‍ഷം കൂടി സമയം അനുവദിക്കണമെന്ന് കോണ്‍ഗ്രസ് ആവശ്യപ്പെട്ടിരുന്നു. ഈ ആവശ്യം തള്ളിയാണ് കമ്മീഷന്‍ അന്ത്യശാസനം നല്‍കിയത്. കൂടാതെ ജൂലൈ 15നകം ഭാരവാഹികളുടെ പട്ടിക സമര്‍പ്പിക്കണമെന്നും കമ്മീഷന്‍ അറിയിച്ചിട്ടുണ്ട്.
