ഇന്ത്യയില്‍ ഒന്‍പത് ദിവസം കൊണ്ട് വര്‍ധിച്ചത് 1300 ശതമാനം കൊവിഡ് കേസുകള്‍; രണ്ടുദിവസത്തിനുള്ളില്‍ മരിച്ചത് 21പേര്‍

മെയ് 22 ന് ഇന്ത്യയില്‍ 257 കേസുകളാണ് റിപ്പോര്‍ട്ട് ചെയ്തിരുന്നത്.

ഇന്ത്യയില്‍ ഒന്‍പത് ദിവസം കൊണ്ട് വര്‍ധിച്ചത് 1300 ശതമാനം കൊവിഡ് കേസുകള്‍. നിലവില്‍ 3783 സജീവ കൊവിഡ് കേസുകളാണ് രാജ്യത്തുള്ളത്. കൊവിഡ് സ്ഥിരീകരിക്കുന്നതിന് മുന്നില്‍ കേരളം തന്നെയാണ്. കഴിഞ്ഞ 24 മണിക്കൂറിനുള്ളില്‍ 255 രോഗികളെ ഡിസ്ചാര്‍ജ് ചെയ്തിട്ടുണ്ട്. ആരോഗ്യ വകുപ്പിന്റെ വെബ്സൈറ്റ് പ്രകാരം, മെയ് 22 ന് ഇന്ത്യയില്‍ 257 കേസുകളാണ് റിപ്പോര്‍ട്ട് ചെയ്തിരുന്നത്.

നിലവില്‍ കേരളത്തിലാണ് ഏറ്റവും കൂടുതല്‍ കേസുകള്‍ റിപ്പോര്‍ട്ട് ചെയ്തത്. 1400 സജീവ കേസുകളാണ് ഇവിടെയുള്ളത്. മഹാരാഷ്ട്രയില്‍ 485 സജീവ കേസുകളും ഡല്‍ഹിയില്‍ 436 സജീവ കേസുകളുമുണ്ട്. ജനുവരി മുതല്‍ കൊറോണ മൂലം 28 മരണങ്ങള്‍ ഉണ്ടായിട്ടുണ്ട്. ഇതില്‍ 21 പേര്‍ കഴിഞ്ഞ 2 ദിവസത്തിനുള്ളില്‍ മരിച്ചു. 

മഹാരാഷ്ട്രയില്‍ നിന്നാണ് ഏറ്റവും കൂടുതല്‍ മരണങ്ങള്‍ റിപ്പോര്‍ട്ട് ചെയ്തത് (7), തുടര്‍ന്ന് കേരളം (5), ഡല്‍ഹി (2). ജനുവരി 1 മുതല്‍ രോഗമുക്തരായവരുടെ ആകെ എണ്ണം 1,170 ആണ്. കേരളം (72), ഡല്‍ഹി (77), മഹാരാഷ്ട്ര (34) എന്നിവയാണ് ഏറ്റവും കൂടുതല്‍ രോഗമുക്തി നേടിയത്. ആരോഗ്യ കുടുംബക്ഷേമ മന്ത്രാലയത്തിന് കീഴില്‍ രൂപീകരിച്ച ഇന്ത്യന്‍ SARS-CoV-2 ജീനോമിക്‌സ് കണ്‍സോര്‍ഷ്യത്തിന്റെ (INSACOG) ഏറ്റവും പുതിയ ഡാറ്റ പ്രകാരം, രാജ്യത്തെ JN.1 കോവിഡ് വേരിയന്റിന്റെ പിന്‍ഗാമികളായ NB.1.8.1 ഉം LF.7 ഉം - രാജ്യത്ത് SARS-CoV-2 കേസുകളുടെ വര്‍ദ്ധനവിന് കാരണമാകുന്നു.

പനി, മൂക്കൊലിപ്പ്, തൊണ്ടവേദന, തലവേദന, ക്ഷീണം, ക്ഷീണം എന്നിവയാണ് ഈ വകഭേദങ്ങളുമായി ബന്ധപ്പെട്ട സാധാരണ ലക്ഷണങ്ങള്‍. അണുബാധ ഗുരുതരമല്ലാത്തതിനാല്‍ വിഷമിക്കേണ്ട കാര്യമില്ലെന്ന് ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസര്‍ച്ച് (ICMR) ഡയറക്ടര്‍ ജനറല്‍ ഡോ. രാജീവ് ബഹല്‍ അടുത്തിടെ പറഞ്ഞിരുന്നു.