കഴിഞ്ഞ 24മണിക്കൂറിനിടെ രാജ്യത്ത് പുതിയതായി കൊവിഡ് സ്ഥിരീകരിച്ചത് 426 പേര്‍ക്കാണ്. ഇതോടെ സജീവ കേസുകള്‍ 4623 ആയി ഉയര്‍ന്നു. കൂടാതെ ഒരു മരണവും റിപ്പോര്‍ട്ട് ചെയ്തിട്ടുണ്ട്. കേന്ദ്ര ആരോഗ്യമന്ത്രാലയമാണ് ഇക്കാര്യം അറിയിച്ചത്. മരണം സ്ഥിരീകരിച്ചത് കര്‍ണാടകയിലാണ്. കുറച്ചു ദിവസങ്ങളായി കൊവിഡ് കേസുകളും മരണവും രാജ്യത്ത് വര്‍ധിച്ചുവരുകയാണ്.
ഇതുവരെ രാജ്യത്ത് 4.46 കോടിയിലേറെ പേര്‍ക്ക് കൊവിഡ് ബാധിച്ചിട്ടുണ്ട്. 530790 പേരാണ് ഇതുവരെ രോഗം മൂലം മരണപ്പെട്ടത്.
