ചെന്നൈയില്‍ ആളുകള്‍ നോക്കി നില്‍ക്കെ ഡിഎംകെ നേതാവിനെ വെട്ടിക്കൊലപ്പെടുത്തി

ചെന്നൈയില്‍ ആളുകള്‍ നോക്കി നില്‍ക്കെ ഡിഎംകെ നേതാവിനെ വെട്ടിക്കൊലപ്പെടുത്തി. മടിപ്പാക്കം യൂണിറ്റ് സെക്രട്ടറി ശെല്‍വമാണ് മരിച്ചത്. നഗരതദ്ദേശ സ്ഥാപനങ്ങളിലേക്കുള്ള തിരഞ്ഞെടുപ്പ് പ്രഖ്യാപിച്ചതിനുശേഷം ഒരാഴ്ചക്കുള്ളില്‍ കൊല്ലപ്പെടുന്ന രണ്ടാമത്തെ ഡിഎംകെ നേതാവാണ് ശെല്‍വം. 

മടിപ്പാക്കം പെരിയാര്‍ നഗറില്‍ കഴിഞ്ഞ ദിവസം രാത്രിയാണ് കൊലപാതകം നടന്നത്. തിരഞ്ഞെടുപ്പ് ജോലികഴിഞ്ഞ് വീട്ടിലേക്ക് മടങ്ങവെയാണ് ആക്രമണം ഉണ്ടായത്. നിറയെ ആളുകള്‍ നോക്കി നില്‍ക്കെയാണ് ഇരുചക്രവാഹനങ്ങളിലെത്തിയ സംഘം ആക്രമണം നടത്തിയത്.