ഉത്തരേന്ത്യയെ മഞ്ഞു വിഴുങ്ങുന്നു, നിരവധി വിമാനങ്ങൾ തിരിച്ചുവിട്ടു, ട്രെയിനുകൾ വൈകിയോടുന്നു

താപനില താഴ്ന്നതോടെ ഉത്തരേന്ത്യയിൽ പരക്കെ മൂടൽ മഞ്ഞ് രൂപപ്പെട്ടു. പഞ്ചാബ്,ഹരിയാന ചണ്ഡീഗഡ്, ഡൽഹി, ഉത്തർപ്രദേശ് എന്നിവിടങ്ങളിൽ കനത്ത മൂടൽ മഞ്ഞാണ് രൂപപ്പെട്ടത്. ഇതിനെ തുടർന്ന് വിവിധ സ്ഥലങ്ങളിലേക്കുള്ള വിമാനങ്ങൾ വഴിതിരിച്ചുവിട്ടു.

പുലർച്ചെ 4:30ന് ദില്ലി അന്താരാഷ്ട്ര വിമാനത്താവളം ഫോഗ് അലർട്ട് ട്വീറ്റ് ചെയ്തിരുന്നു. കഴിഞ്ഞ ഞായറാഴ്ചയും സമാനമായ രീതിയിൽ മൂടൽ മഞ്ഞ് അനുഭവപ്പെട്ടിരുന്നു. അന്ന് യമുന നഗറിലെ അംബാല - സഹരൻപൂർ ഹൈവേയിൽ ഞായറാഴ്ച 22 വാഹനങ്ങൾ കൂട്ടിയിടിച്ച് ഒരു ഡസനോളം പേർക്ക് പരിക്കേറ്റിരുന്നു.