രണ്ടാം കോവിഡ് വ്യാപനത്തില്‍ വിറങ്ങലിച്ചു നില്‍ക്കുകയാണ് രാജ്യം. ഓക്‌സിജന്‍ ക്ഷാമം രാജ്യത്ത് വലിയ പ്രതിസന്ധിയാണ് സൃഷ്ടിച്ചിരിക്കുന്നത്. എന്നാല്‍, മനുഷ്യത്വമില്ലാത്ത ചിലര്‍ ഈ ദുരന്ത സാഹചര്യങ്ങളെ പോലും തങ്ങളുടെ നേട്ടത്തിനായി ഉപയോഗിക്കുന്നു. അങ്ങനെയൊരു സംഭവമാണ് രാജ്യത്തെ പ്രധാന നഗരത്തില്‍ നിന്നു റിപ്പോര്‍ട്ട് ചെയ്യുന്നത്.
സാമൂഹ്യപ്രശ്‌നങ്ങള്‍ റിപ്പോര്‍ട്ട് ചെയ്യുന്ന ഒരു ട്വിറ്റര്‍ ഹാന്‍ഡിലാണ് ക്രൂരമായ ഈ സംഭവം റിപ്പോര്‍ട്ട് ചെയ്തിരിക്കുന്നത്. നഗരത്തിലെ വളരെ സമ്പന്നര്‍ താമസിക്കുന്ന ഒരു കോളനിയില്‍ ഓക്‌സിജന്‍ സിലിണ്ടര്‍ വേണമെങ്കില്‍ സെക്‌സിന് സമ്മതിക്കണമെന്ന് ഒരു യുവാവ് പറഞ്ഞതായാണ് വെളിപ്പെടുത്തല്‍. തന്റെ സുഹൃത്തിന്റെ സഹോദരിക്കാണ് ഇങ്ങനെയൊരു അവസ്ഥ നേരിടേണ്ടി വന്നതെന്നും ട്വീറ്റില്‍ പറയുന്നു.
'എന്റെ സുഹൃത്തിന്റെ സഹോദരിയാണ്, എനിക്ക് അവള്‍ കുഞ്ഞുപെങ്ങളെ പോലെയാണ്. പിതാവിന്റെ ആരോഗ്യനില വഷളായപ്പോള്‍ ഓക്‌സിജന്‍ സിലിണ്ടര്‍ ചോദിച്ച് തൊട്ടടുത്ത വീട്ടില്‍ ഈ പെണ്‍കുട്ടി ബന്ധപ്പെട്ടു. ഓക്‌സിജന്‍ സിലിണ്ടര്‍ നല്‍കണമെങ്കില്‍ തനിക്കൊപ്പം കിടക്കണമെന്നാണ് പെണ്‍കുട്ടിയോട് ആ വീട്ടിലെ യുവാവ് പറഞ്ഞത്. ഇത് എന്തൊരു അവസ്ഥയാണ്? ,' ട്വീറ്റില്‍ പറയുന്നു.
