തോക്ക് ചൂണ്ടി ഭീഷണിപ്പെടുത്തി യുവതിയെ ബലാൽസംഗം ചെയ്തു; യുവതിയുടെ സ്വകാര്യഭാഗങ്ങളില്‍ തോക്കും മരകഷണങ്ങളും കുത്തിയിറക്കി

തോക്കു ചൂണ്ടി ഭീഷണിപ്പെടുത്തി ബിഹാറില്‍ 21കാരിയെ ബലാത്സംഗം ചെയ്തു. സംസ്ഥാനത്തെ മോത്തിഹാരിയില്‍ ആണ് സംഭവം നടന്നത്. യുവതിയുടെ സ്വകാര്യഭാഗങ്ങളില്‍ തോക്കും മരകഷണങ്ങളും കുത്തിയിറക്കിയതായും പരാതിയുണ്ട്. ഗുരുതരാവസ്ഥയിലായ യുവതിയെ ആശുപത്രിയില്‍ പ്രവേശിപ്പിച്ചിരിക്കുകയാണ്.

ബലാത്സംഗം ചെയ്ത ശേഷം പ്രതിയും കുടുംബാംഗങ്ങളും ക്രൂരമായി മര്‍ദ്ദിച്ചുവെന്നും യുവതിയുടെ പരാതിയില്‍ വ്യക്തമാക്കുന്നു. എന്നാൽ, പരാതി നൽകിയിട്ടും കുറ്റക്കാർക്കെതിരെ നടപടിയെടുക്കാൻ പൊലീസ് തയ്യാറായില്ലെന്ന് യുവതിയുടെ അമ്മ ആരോപിച്ചു.

നേരത്തെ, മുഖ്യപ്രതി യുവതിയെ പീഡിപ്പിച്ചിരുന്നു. ഇതിന്റെ ദൃശ്യങ്ങൾ ഇയാള്‍ പകർത്തുകയും പിന്നീട് ഇത് കാണിച്ച് യുവതിയെ ബ്ലാക് മെയില്‍ ചെയ്യുകയും ചെയ്തു. ഇതില്‍ കുപിതയായ യുവതി ഇയാളെ ബ്ലേഡ് ഉപയോഗിച്ച് ആക്രമിച്ചിരുന്നു. ഇതിന് പ്രതികാരമായിട്ടാണ് പ്രതി യുവതിയ മൃഗീയമായി പീഡിപ്പിച്ചത്.