24 മണിക്കൂറിനിടെ 78,761 പേർക്ക് രോഗം, 948 മരണം രാജ്യത്ത് കൊവിഡ് ബാധിതർ 35 ലക്ഷം കടന്നു

കഴിഞ്ഞ 24 മണിക്കൂറിനിടെ രാജ്യത്ത് കൊവിഡ് ബാധ സ്ഥിരീകരിച്ചത് 78,761 പേർക്ക്. തുടർച്ചയായ രണ്ടാം ദിവസമാണ് പ്രതദിന രോഗ ബാധിതരുടെ എണ്ണം 75,000 കടക്കുന്നത്. ഇതോടെ രാജ്യത്ത് ആകെ കൊവിഡ് സ്ഥിരീകരിച്ചവരുടെ എണ്ണം 35 ലക്ഷം കടന്നു. 35,42,734 പേർക്കാണ് രാജ്യത്താകെ കൊവിഡ് ബാധ സ്ഥിരീകരിച്ചത്. 

948 പേരാണ് ഇന്നലെ മാത്രം മരിച്ചത്. ഇതോടെ രാജ്യത്തെ കൊവിഡ് മരണസംഖ്യ 63,498 ആയി. 7,65,302 പേരാണ് നിലവിൽ ചികിത്സയിലുള്ളത്. 27,13,934 പേർ രാജ്യത്ത് കൊവിഡിൽനിന്നും രോഗമുതി നേടി. 24 മണിക്കൂറിനിടെ 10,55,027 സാംപിളുകളാണ് പരിശോധനയ്ക്ക് വിധേയമാക്കിയത്. രാജ്യത്ത് ഇതുവരെ 4,14,61,636 സാംപിളുകൾ ടെസ്റ്റ് ചെയ്തതായി ഐസിഎംആർ അറിയിച്ചു.