പ്രമേഹ രോഗികള്‍ക്ക് ഇനി ഇന്‍സുലിന്‍ കുത്തിവയ്‌പ്പെടുക്കേണ്ട! ഇന്‍ഹേലര്‍ ഇന്‍സുലിന്‍ അഫ്രെസ ആറുമാസത്തിനുള്ളില്‍ ഇന്ത്യന്‍ വിപണിയിലെത്തും

പ്രമേഹ രോഗികള്‍ക്ക് ഇന്‍സുലിന്‍ കുത്തിവയ്‌പ്പെടുക്കുന്നതിന് പകരം ഉപയോഗിക്കാന്‍ സാധിക്കുന്ന ഇന്‍ഹേലര്‍ വരുന്നു. ഇന്‍ഹേലര്‍ ഇന്‍സുലിന്‍ അഫ്രെസ ആറുമാസത്തിനുള്ളില്‍ ഇന്ത്യന്‍ വിപണിയിലെത്തുമെന്നാണ് ലഭിക്കുന്ന വിവരം. മാന്‍കൈന്‍ഡ് കോര്‍പ്പറേഷന്‍ വികസിപ്പിച്ച അഫ്രേസ് പൗഡറിന്റെ വിതരണത്തിന് സെന്‍ട്രല്‍ ഡ്രഗ് സ്റ്റാന്‍ഡേര്‍ഡ് ഓര്‍ഗനൈസേഷന്‍ കഴിഞ്ഞമാസം അനുമതി നല്‍കിയിരുന്നു. 

ഇന്‍ഫേലര്‍ കുത്തിവെപ്പിനെക്കാളും ഫലം ചെയ്യുമെന്നാണെന്ന് അവകാശപ്പെടുന്നത്. ആഹാരം കഴിക്കുന്നതിനു മുമ്പാണ് ഇത് ഉപയോഗിക്കേണ്ടത്. കൂടാതെ ഇന്‍സുലിന്‍ പമ്പ് ഉപയോഗിക്കുന്ന ടൈപ്പ് വണ്‍ പ്രമേഹ രോഗികള്‍ക്കും ഇത് ഫലപ്രദമാണെന്ന് പറയുന്നു.

എന്നാല്‍ കുത്തിവയ്ക്കു വയ്ക്കുമ്പോള്‍ 3 യൂണിറ്റ് ഉപയോഗിക്കുന്നവര്‍ക്ക് ഇന്‍ഹേലര്‍ ആറോ എട്ടോ യൂണിറ്റ് വേണ്ടിവരുമെന്നാണ് നിര്‍മ്മാതാക്കള്‍ പറയുന്നത്.