തിരുവനന്തപുരം: സംസ്ഥാനത്ത് നാളെ മുതൽ അന്തർ ജില്ലാ ബസ് സർവീസുകൾ നടത്തുവാൻ അനുമതി.ലോക്ക്ഡൗണ്‍ ഇളവുകള്‍ തീരുമാനിക്കാന്‍ മുഖ്യമന്ത്രിയുടെ അധ്യക്ഷതയില്‍ ചേര്‍ന്ന അവലോകന സമിതി യോഗത്തിലാണ് ഇത് സംബന്ധിച്ച് ധാരണമായത്. അധിക നിരക്ക് ഈടക്കിയായിരിക്കും ബസ് സർവീസുകൾ നടത്തുക.
ജൂൺ എട്ടിന് ശേഷം സംസ്ഥാനത്ത് നിയന്ത്രണങ്ങളോടെ ഹോട്ടലുകൾ തുറക്കാനും അവിടെ ഇരുന്ന് തന്നെ ഭക്ഷണം കഴിക്കാനുമുള്ള അനുവാദം നൽകും. അന്തർ സംസ്ഥാന യാത്രകൾക്ക് തത്‌കാലം അനുമതിയില്ല.ആരാധനാലയങ്ങൾ തുറക്കുന്നത് മതനേതാക്കളുമായുള്ള ചർച്ചയ്ക്കു ശേഷമാകുമെന്നും സൂചനയുണ്ട്. ഇത് സംബന്ധിച്ച തീരുമാനം മുഖ്യമന്ത്രിയുടെ വാർത്താ സമ്മേളനത്തിലുണ്ടാകും.