ഐപിഎല്ലില്‍ അപകടകരമായ ത്രോകള്‍ സ്ഥിരം കാഴ്ചയായതോടുകൂടി പ്രൊഫഷണല്‍ ക്രിക്കറ്റില്‍ ബാറ്റ്‌സ്മാന്‍മാര്‍ക്ക് ഹെല്‍മറ്റ് നിര്‍ബന്ധമാക്കണമെന്നാവശ്യപ്പെട്ട് സച്ചിന്‍ ടെന്‍ഡുല്‍ക്കര്‍. സണ്‍റൈസേഴ്‌സ് ഹൈദരാബാദും മുംബൈ ഇന്ത്യന്‍സുമായുള്ള ഐപിഎല്‍ മത്സരത്തില്‍ രണ്ണിനായുള്ള ഓട്ടത്തിനിടെ ധവാല്‍ കുല്‍കര്‍ണിയുടെ ഹെല്‍മറ്റിനുപിന്നില്‍ വേഗത്തിലുള്ള ത്രോ പതിച്ചിരുന്നു.
ത്രോയില്‍ ഹെല്‍മറ്റിന്റെ പുറകുവശം തകര്‍ന്നിരുന്നു. ഭാഗ്യം കൊണ്ടാണ് കുല്‍കര്‍ണി പരിക്കുപറ്റാതെ രക്ഷപ്പെട്ടത്. ഇതിനുശേഷമാണ് ബാറ്റ്‌സ്മാന്‍മാര്‍ക്ക് ഹെല്‍മറ്റ് നിര്‍ബന്ധമാക്കാന്‍ ഐസിസി തയ്യാറാകണമെന്ന ആവശ്യം സച്ചിന്‍ മുന്നോട്ട് വച്ചത്.
