കർണാടകയിൽ രാമക്ഷേത്രം നിർമിക്കുമെന്ന് മുഖ്യമന്ത്രി ബസവരാജ് ബൊമ്മെ. ബജറ്റ് അവതരണത്തിലാണ് മുഖ്യമന്ത്രിയുടെ പ്രഖ്യാപനം. രാമനഗരയിലെ രാമ ദേവര ഹിൽസിലാകും രാമക്ഷേത്രം നിർമിക്കുക. സംസ്ഥാനത്തെ ക്ഷേത്രങ്ങൾക്കും മഠങ്ങൾക്കുമായി ആയിരം കോടി രൂപ മാറ്റിവെയ്ക്കുമെന്നും ബജറ്റ് പ്രഖ്യാപനത്തിൽ പറയുന്നു.
ഏപ്രിൽ- മെയ് മാസത്തിൽ നടക്കുന്ന കർണാടക നിയമസഭ തെരെഞ്ഞെടുപ്പിന് മുന്നോടിയായാണ് പ്രഖ്യാപനം. ഭൂമിയില്ലാത്ത സ്ത്രീകൾക്ക് പ്രതിമാസം 500 രൂപ നൽകുമെന്നും കർഷകർക്കുള്ള പലിശരഹിത വായ്പയുടെ പരിധി 3 ലക്ഷത്തിൽ നിന്നും 5 ലക്ഷമായി ഉയർത്തുമെന്നും ബജറ്റിൽ പ്രഖ്യാപനമുണ്ട്.
