ഗുജറാത്തിനോട് വൈകാരികബന്ധം: അഹമ്മദാബാദിൽ 3,000 കോടിയുടെ ലുലുമാൾ

ഉത്തർപ്രദേശിന് ശേഷം ഗുജറാത്തിലും മാളുമായി ലുലു ഗ്രൂപ്പ്. വാണിജ്യനഗരമായ അഹമ്മദാബാദിൽ 3,000 കോടിയുടെ നിക്ഷേപമാണ് ലുലു ഗ്രൂപ്പ് നടത്തുന്നത്. നിർമാണ പ്രവർത്തനങ്ങൾ അടുത്തവർഷം ജനുവരിയിൽ ആരംഭിക്കുമെന്ന് എം എ യൂസഫലി പറഞ്ഞു.

ഗുജറാത്ത് മുഖ്യമന്ത്രി ഭൂപേന്ദ്രപട്ടേൽ കഴിഞ്ഞ വർഷം യുഎഇ സന്ദർശിച്ചപ്പോൾ ഇത് സംബന്ധിച്ച ചർചകൾ നടത്തിയിരുന്നു. ലുലു ഗ്രൂപ്പുമായി ധാരണാപത്രത്തിലും ഗുജറാത്ത് സർക്കാർ ഒപ്പുവെച്ചിരുന്നു. മാൾ പ്രവർത്തിക്കുന്നതോടെ 6000 പേർക്ക് നേരിട്ടും 15,000ത്തിലധികം ആളുകൾക്ക് പരോക്ഷമായും തൊഴിൽ ലഭിക്കും.