‘ഫിറ്റ്‌ലസ് ചലഞ്ചിന്റെ തിരക്കിലാണെന്ന് അറിയാം, എങ്കിലും ചുറ്റുമൊന്ന് നോക്കാന്‍ സാധിക്കുമോ’; കെജ്‌രിവാള്‍ വിഷയത്തില്‍ മോദിയെ പരിഹസിച്ച് പ്രകാശ് രാജ്
‘ഫിറ്റ്‌ലസ് ചലഞ്ചിന്റെ തിരക്കിലാണെന്ന് അറിയാം, എങ്കിലും ചുറ്റുമൊന്ന് നോക്കാന്‍ സാധിക്കുമോ’; കെജ്‌രിവാള്‍ വിഷയത്തില്‍ മോദിയെ പരിഹസിച്ച് പ്രകാശ് രാജ്
ലഫ്. ഗവർണറുടെ ഓഫിസിൽ സമരം തുടരുന്ന ഡല്‍ഹി മുഖ്യമന്ത്രി അരവിന്ദ് കെജ്‌രിവാളിനു പിന്തുണയും നരേന്ദ്ര മോദിയുടെ ഫിറ്റ്നസ് ചലഞ്ചിനെ പരിഹസിച്ചും നടനും സംവിധായകനുമായ പ്രകാശ് രാജ്.
ട്വിറ്ററിലൂടെയാണ് പ്രധാനമന്ത്രിയെ ട്രോളി പ്രകാശ് രാജ് രംഗത്തുവന്നത്.
“ യോഗയും വ്യായാമവുമായി പ്രധാനമന്ത്രി ഫിറ്റ്നസ് ചലഞ്ചിന്റെ തിരക്കിലാണെന്ന് അറിയാം. ദീര്‍ഘ ശ്വാസമെടുക്കാന്‍ ഒരു നിമിഷം ചെലവിടാമോ… ഒന്ന് ചുറ്റും നോക്കുക… ഉദ്യോഗസഥരോട് കെജ്‌രിവാളിനൊപ്പം ജോലി ചെയ്യാന്‍ പറയുക (അദ്ദേഹം യഥാര്‍ഥത്തില്‍ നന്നായി ജോലി ചെയ്യുന്നുണ്ട്). നിങ്ങളുടെ ജോലിയും ചെയ്യുക“ - എന്നും പ്രകാശ് രാജ് ട്വീറ്റ് ചെയതു.
അതേസമയം, ഡല്‍ഹി സർക്കാരുമായി ബന്ധപ്പെട്ടുള്ള പ്രശ്നങ്ങൾക്ക് എത്രയും പെട്ടെന്നു പരിഹാരം കാണണമെന്ന് ആവശ്യപ്പെട്ട് പിണറായി വിജയന്‍, ബംഗാൾ മുഖ്യമന്ത്രി മമതാ ബാനർജി, കർണാടക മുഖ്യമന്ത്രി എച്ച്ഡി കുമാരസ്വാമി, ആന്ധ്ര മുഖ്യമന്ത്രി ചന്ദ്രബാബു നായിഡു എന്നിവർ പ്രധാനമന്ത്രി നരേന്ദ്ര മോദിയെ കണ്ടു.
