Select Your Language

Notifications

webdunia
webdunia
webdunia
webdunia

വയലില്‍ കീടനാശിനി തളിച്ച ശേഷം കൈ കഴുകണമെന്ന ഭാര്യയുടെ അപേക്ഷ അവഗണിച്ചു; യുവാവിന് ദാരുണാന്ത്യം

Wash Hands

സിആര്‍ രവിചന്ദ്രന്‍

, തിങ്കള്‍, 27 ജനുവരി 2025 (11:34 IST)
വയലില്‍ കീടനാശിനി തളിച്ചതിനെ തുടര്‍ന്ന് കൈ കഴുകാതെ ഭക്ഷണം കഴിച്ച 27കാരന്‍ മരിച്ചു. ഉത്തര്‍പ്രദേശിലെ മഥുരയിലാണ് ദാരുണമായ സംഭവം നടന്നത്. ശനിയാഴ്ച രാത്രി കൃഷിയിടങ്ങളില്‍ കീടനാശിനി പ്രയോഗിച്ച ശേഷം വീട്ടിലേക്ക് മടങ്ങുകയായിരുന്നു കനയ്യ. ഭക്ഷണം കഴിക്കുന്നതിന് മുമ്പ് കൈകഴുകണമെന്ന് ഭാര്യ ആവര്‍ത്തിച്ച് ആവശ്യപ്പെട്ടിട്ടും കനയ്യ അത് നിരസിക്കുകയും അത്താഴം കഴിക്കുകയും ചെയ്തുവെന്ന് പോലീസ് പറഞ്ഞു.
 
ഭക്ഷണം കഴിഞ്ഞ് കുറച്ച് സമയത്തിന് ശേഷം, കനയ്യയ്ക്ക് ദേഹാസ്വാസ്ഥ്യം അനുഭവപ്പെടാന്‍ തുടങ്ങി തുടര്‍ന്ന് അദ്ദേഹത്തിന്റെ അവസ്ഥ അതിവേഗം വഷളാവുകയും ചെയ്തു. ഉടന്‍ ആശുപത്രിയിലെത്തിച്ചെങ്കിലും അപ്പോഴേക്കും മരിച്ചിരുന്നു. പോസ്റ്റ്മോര്‍ട്ടം നടത്തി മൃതദേഹം കുടുംബത്തിന് വിട്ടുകൊടുത്തതായി സ്റ്റേഷന്‍ ഹൗസ് ഓഫീസര്‍ (എസ്എച്ച്ഒ) രഞ്ജന സച്ചന്‍ അറിയിച്ചു. കീടനാശിനികള്‍ ശരിയായി കൈകാര്യം ചെയ്യാത്തതുമായി ബന്ധപ്പെട്ട അപകടസാധ്യതകള്‍ ഈ സംഭവം എടുത്തുകാണിക്കുന്നു.

Share this Story:

Follow Webdunia malayalam

അടുത്ത ലേഖനം

ഉത്തരാഖണ്ഡില്‍ ഇന്ന് ഏകീകൃത സിവില്‍ കോഡ് നടപ്പാക്കും; രാജ്യത്ത് ആദ്യം