വിവാഹം കഴിക്കുന്നതോടെ ഭാഗ്യനക്ഷത്രം തെളിയുമെന്ന് രാഹുൽ ഗാന്ധിയോട് ജ്യോതിഷികൾ

വിവാഹത്തെ കുറിച്ച് മിക്ക സംവാദ പരിപാടികളിലും രാഹുല്‍ ഗാന്ധിക്ക് മുന്നില്‍ ചോദ്യങ്ങള്‍ ഉയരാറുണ്ട്.

വെള്ളി, 2 ഓഗസ്റ്റ് 2019 (12:30 IST)
ദേശീയ പാർട്ടിയായ കോൺഗ്രസ് ഇപ്പോൾ വലിയ പ്രതിസന്ധിയിലൂടെയാണ് ഇപ്പോൾ കടന്നു പോകുന്നത്. പാർട്ടിയുടെ നേതൃത്വം ഏറ്റെടുക്കാൻ ഒരു നേതാവില്ലാതെ അവസ്ഥയാണ് ഇപ്പോൾ. ഇതിനു പരിഹാരവുമായിയാണ് ഇപ്പോൾ മഹാരാഷ്ട്രയിലെ നേതാക്കൾ വന്നിരിക്കുന്നത്. രാഹുൽ ഗാന്ധി വിവാഹം കഴിക്കുന്നതോടെ എല്ലാ പ്രശ്നങ്ങളും മാറുമെന്നാണ് ജ്യോതിഷികൾ പറയുന്നുവെന്നാണ് മഹാരാഷ്ട്രയിലെ യുവനേതാക്കൾ പറയുന്നു. 

വിവാഹത്തെ കുറിച്ച് മിക്ക സംവാദ പരിപാടികളിലും രാഹുല്‍ ഗാന്ധിക്ക് മുന്നില്‍ ചോദ്യങ്ങള്‍ ഉയരാറുണ്ട്. എന്നാല്‍ താന്‍ വിവാഹം കഴിച്ചിരിക്കുന്നത് കോണ്‍ഗ്രസ് പാര്‍ട്ടിയെ ആണ് എന്നാണ് രാഹുല്‍ സ്ഥിരമായി മറുപടി നല്‍കാറുളളത്. രാഹുല്‍ ഗാന്ധി വിവാഹം കഴിച്ചാല്‍ കോണ്‍ഗ്രസ് ഇന്ന് നേരിടുന്ന എല്ലാ പ്രശ്‌നങ്ങള്‍ക്കും പരിഹാരമാവും എന്നാണ് ജ്യോത്സന്‍ നിര്‍ദേശിച്ചിരിക്കുന്നതത്രേ.
 
വിവാഹം കഴിക്കുന്നതോടെ രാഹുല്‍ ഗാന്ധിയുടെ ഭാഗ്യ നക്ഷത്രം തെളിയും എന്നാണ് ജ്യോത്സന്‍ കവടി നിരത്തി കണ്ടെത്തിയിരിക്കുന്നത്. രാഹുല്‍ ഗാന്ധിയുടെ അടുപ്പക്കാരന്‍ കൂടിയായ യുവനേതാവ് ദില്ലിയില്‍ തിരിച്ചെത്തി ഇക്കാര്യം മറ്റ് നേതാക്കളുമായി പങ്കുവെച്ചതായും വിവരമുണ്ട്. എന്നാല്‍ രാഹുല്‍ ഗാന്ധിയോട് ഇക്കാര്യം എങ്ങനെ അവതരിപ്പിക്കും എന്ന കണ്‍ഫ്യൂഷനിലാണേ്രത ഈ നേതാക്കള്‍. കോണ്‍ഗ്രസ് പ്രവര്‍ത്തക സമിതി യോഗം പുതിയ അധ്യക്ഷനെ കണ്ടെത്താന്‍ വ്യാഴാഴ്ച ചേരാനിരിക്കുകയാണ്.

വെബ്ദുനിയ വായിക്കുക

അടുത്ത ലേഖനം ‘അധികം കളിച്ചാല്‍ മുഖ്യമന്ത്രിയോട് പറഞ്ഞ് സസ്പെന്‍ഡ് ചെയ്യിക്കും’; നിയമം തെറ്റിച്ച മകനെ ‘പൊക്കിയ‘ പൊലീസുകാരെ ഭീഷണിപ്പെടുത്തി എംഎല്‍എയുടെ ഭാര്യ