സ്‌ത്രീ സുരക്ഷയില്‍ ഇന്ത്യ പിന്നിലാകുമ്പോള്‍ മോദി പൂന്തോട്ടത്തില്‍ കാല്‍‌വിരലുകളില്‍ കുത്തി യോഗാ വീഡിയോ നിര്‍മിക്കുന്ന തിരക്കില്‍ - രാഹുല്‍

സ്‌ത്രീ സുരക്ഷയില്‍ ഇന്ത്യ പിന്നിലാകുമ്പോള്‍ പ്രധാനമന്ത്രി നരേന്ദ്ര മോദി പൂന്തോട്ടത്തില്‍ കാല്‍‌വിരലുകളില്‍ കുത്തി യോഗാ വീഡിയോ നിര്‍മിക്കുന്ന തിരക്കിലാണെന്ന് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി.

“സ്ത്രീകൾക്കെതിരായ ആക്രമണങ്ങൾ, പീഡനങ്ങൾ തുടങ്ങിയവയുടെ കാര്യത്തിൽ സിറിയയേയും അഫ്ഗാനിസ്ഥാനേക്കാളും പിന്നിലാണ് ഇന്ത്യ. ഈ സമയത്ത് പൂന്തോട്ടത്തിൽ കാൽ കുത്തി നിന്ന് യോഗ വീഡിയോ ഉണ്ടാക്കുന്ന തിരക്കിലാണ് മോദി. രാജ്യത്തിന് എന്തൊരു നാണക്കേടാണിത്” - എന്നും രാഹുല്‍ ട്വിറ്ററില്‍ കുറിച്ചു.

സ്‌ത്രീകള്‍ക്ക് ഏറ്റവും അപകടകരമായ രാജ്യം ഇന്ത്യയാണെന്ന റിപ്പോര്‍ട്ട് തോംസണ്‍ റോയിട്ടേഴ്‌സ് ഫൌണ്ടേഷനാണ് പുറത്തുവിട്ടത്. ഐക്യ രാഷ്‌ട്രസഭയില്‍ അംഗങ്ങളായ 193 രാജ്യങ്ങളിലാണ് പഠനം നടന്നത്. ഇതിനു പിന്നാലെയാണ് മോദിയെ പരിഹസിച്ച് രാഹുല്‍ രംഗത്തുവന്നത്.