ആഗോള സംരംഭകത്വ ഉച്ചകോടിയില്‍ പങ്കെടുക്കാന്‍ ഹൈദരാബാദിലെത്തിയ ഇവാന്‍‌ക ട്രം‌പിന് നടി സമാന്തയുടെ വക സാരി. എന്നെങ്കിലും ഈ സാരിയുടുത്ത് ഇവാന്‍‌ക ഏതെങ്കിലും പൊതുവേദിയിലെത്തുമെന്ന പ്രതീക്ഷയിലാണ് ഇപ്പോള്‍ സമാന്ത ആരാധകരും തെലുങ്ക് ജനതയും.
ഒറ്റദിവസം കൊണ്ട് ഇവാന്‍‌കയെക്കുറിച്ചുള്ള മുന്‍‌ധാരണകളെല്ലാം ഇന്ത്യന്‍ ജനത തിരുത്തിക്കഴിഞ്ഞു. ഇത്രയും നന്നായി സംസാരിക്കുകയും പെരുമാറുകയും ചെയ്യുന്ന ഒരു പെണ്‍കുട്ടി ഇന്ത്യയില്‍ പോലുമില്ലെന്നാണ് ഇപ്പോള്‍ ഏവരുടെയും അഭിപ്രായം.
ഇവാന്‍‌കയ്ക്ക് സമാന്ത ഇന്ന് സാരി സമ്മാനിക്കുമെന്നാണ് റിപ്പോര്‍ട്ടുകള്‍. തെലങ്കാന കരകൌശല മേഖലയുടെ ബ്രാന്‍ഡ് അംബാസിഡറായ സമാന്ത മനോഹരമായ ഒരു ഗൊല്ലഭാമ സാരിയാണ് ഇവാന്‍‌കയ്ക്ക് സമ്മാനിക്കുക.
തെലങ്കാന സര്‍ക്കാരിന്‍റെ സമ്മാനമെന്ന നിലയ്ക്കാണ് സമാന്ത ഇത് നല്‍കുക. പ്രശസ്ത ഡിസൈനര്‍ നീതു ലുള്ള ഒരു സാരി ഗൌണും ഇവാന്‍‌കയ്ക്കായി തയ്യാറാക്കിക്കഴിഞ്ഞു.
