പ്രവാചകനെ നിന്ദിച്ചതിന് ബിജെപി ദേശീയവക്താവ് നൂപുർ ശർമയ്ക്കെതിരെ പ്രതിഷേധവുമായി കൂടുതൽ ഇസ്‌ലാമിക രാജ്യങ്ങൾ. ഖത്തറിനും കുവൈറ്റിനും ഇറാനും പുറമെ പ്രസ്താവനയെ സൗദി അറേബ്യയും സംഭവത്തെ അപലപിച്ചു. നൂപുർ ശർമയുടെ പ്രസ്താവന അധിക്ഷേപമാണെന്നും മതങ്ങളോടും വിശ്വാസങ്ങളോടും ബഹുമാനം വേണമെന്നും സൗദി പറഞ്ഞു.
വിവാദപരാമര്ശത്തെ തുടർന്ന് നേരത്തെ ബിജെപി നൂപുർ ശർമയെ പാർട്ടിയിൽ നിന്ന് പുറത്താ
ക്കിയിരുന്നു. ഗൾഫ് രാജ്യങ്ങളിൽ ഇന്ത്യൻ ഉത്പന്നങ്ങൾ നിരോധിക്കണമെന്ന് ആവശ്യപ്പെട്ട് വ്യാപകപ്രചാരണമാണ് നിലവിൽ നടക്കുന്നത്. ഗ്യാൻവ്യാപി വിഷയത്തിൽ ചാനൽ ചർച്ചയിലാണ് നൂപുറിന്റെ പരാമർശം. പരാമർശത്തിൽ പ്രതികരണവുമായി കോൺഗ്രസ് നേതാവ് രാഹുൽഗാന്ധിയും രംഗത്തെത്തിയിട്ടുണ്ട്.
ബിജെപിയുടെ രീതി കാരണം രാജ്യത്തെ എല്ലാ മതേതര പൗരന്മാരും ലജ്ജിച്ച് തലതാഴ്ത്തേണ്ട അവസ്ഥയിലാണെന്ന് കോൺഗ്രസ് എംപി ശശിതരൂർ പറഞ്ഞു. ഇപ്പോൾ പ്രവാസി ഇന്ത്യക്കാരും അതിനിരയായിരിക്കുകയാണ്. മതഭ്രാന്ത് പ്രകടിപ്പിക്കുന്നവർ വിദേശത്തെ അനന്തരഫലങ്ങളെ കുറിച്ച് അറിഞ്ഞിരിക്കണമെന്നും തരൂർ മുന്നറിയിപ്പ് നൽകി.