ഫിറ്റ്‌നസ് സെന്ററില്‍ വെച്ച് സീരിയല്‍ നടിയെ പീഡിപ്പിക്കാന്‍ ശ്രമമെന്ന് പരാതി. വെര്‍‌സോവ സ്വദേശിയായ വിശ്വനാഥ ഷെട്ടി എന്നയാള്‍ക്കെതിരെയാണ് മുപ്പത്തിയേഴുകാരിയായ നടി പരാതി നല്‍കിയത്. പരാതിയുടെ അടിസ്ഥാനത്തില്‍ ഇയാള്‍ക്കെതിരെ അംബോലി പൊലീസ് കേസ് രജിസ്‌റ്റര്‍ ചെയ്‌തു.
താന്‍ പതിവായി എത്തുന്ന മുംബൈയിലെ അന്ധേരി വെസ്‌റ്റിലെ ഫിറ്റ്‌നസ് സെന്ററില്‍ വെച്ച് വിശ്വനാഥ ഷെട്ടി മോശമായി പെരുമാറിയെന്നും കയറിപ്പിടിക്കാന്‍ ശ്രമിച്ചുവെന്നും യുവതിയുടെ പരാതിയിലുണ്ട്. ലൈംഗിക ചുവയോടെ സംസാരിക്കുകയും തന്റെ ഇംഗിതത്തിന് വഴങ്ങണമെന്ന് ഇയാള്‍ ആവശ്യപ്പെട്ടുവെന്നും യുവതി വ്യക്തമാക്കി.
താല്‍പ്പര്യത്തിന് വഴങ്ങാതെ വന്നതോടെ വിശ്വനാഥ ഷെട്ടി തനിക്കെതിരെ വധ ഭീഷണി ഉയര്‍ത്തുകയും സുഹൃത്തുക്കള്‍ക്ക് തന്നെ മോശക്കാരിയായിക്കി ചിത്രീകരിച്ചു കൊണ്ട് സന്ദേശങ്ങള്‍ അയക്കുകയും ചെയ്‌തുവെന്നും നടി പരാതിയില്‍ വ്യക്തമാക്കുന്നു.
കേസില്‍ അറസ്‌റ്റൊന്നും രേഖപ്പെടുത്തിയിട്ടില്ലെന്നും ഫിറ്റ്‌നസ് സെന്ററിലെ സി സി ടി വി ദൃശ്യങ്ങള്‍ പരിശോധിച്ച് തുടര്‍ നടപടികള്‍ സ്വീകരിക്കുമെന്ന് ഡ്യപ്യൂട്ടി കമ്മീഷര്‍ പരംജിത് സിംഗ് ദഹിയ വ്യക്തമാക്കി.