ആഭ്യന്തര സംഘര്‍ഷം രൂക്ഷമായ സുഡാനില്‍ നിന്നും ഓപ്പറേഷന്‍ കാവേരിയിലൂടെ 3862 ഇന്ത്യക്കാരെയും ഒഴിപ്പിച്ചു. വിദേശകാര്യ മന്ത്രാലയമാണ് ഇക്കാര്യം അറിയിച്ചത്. 47 പേരെ കൂടി പോര്‍ട്ട് സുഡാനില്‍ നിന്നും ജിദ്ദയിലേക്ക് സൈനിക വിമാനത്തില്‍ ഒഴിപ്പിച്ചു. സുഡാനില്‍ നിന്നും ഇനി ഇന്ത്യാക്കാര്‍ ആരും നാട്ടിലേക്ക് വരാനില്ലെന്ന സുഡാനിലെ ഇന്ത്യന്‍ എംബസി അറിയിച്ചു.
പത്ത് ദിവസം കൊണ്ടാണ് ദൗത്യം പൂര്‍ത്തിയാക്കിയത്. ദൗത്യത്തില്‍ സഹായിച്ച സൗദി അറേബ്യയടക്കമുള്ള വിദേശ രാജ്യങ്ങള്‍ക്ക് കേന്ദ്ര വിദേശകാര്യ മന്ത്രി എസ് ജയശങ്കര്‍ നന്ദി അറിയിച്ചു.
