ചെന്നൈ: തമിഴ്‌നാട്ടിൽ കൊവിഡ് ബാധിതരുടെ എണ്ണം 8000 കടന്നു. കഴിഞ്ഞ 24 മണിക്കൂറിനുള്ളിൽ 798 പേർക്കാണ് തമിഴ്‌നാട്ടിൽ രോഗം സ്ഥിരീകരിച്ചത്. ആറ് പേർ മരിക്കുകയും ചെയ്‌തു. ഇതോടെ സംസ്ഥാനത്ത് കൊവിഡ് ബാധിച്ച് മരിച്ചവരുടെ എണ്ണം 53 ആയി. 5895 പേർ നിലവിൽ ചികിത്സയിലാണ്.
നിലവിൽ 2951 പേർക്കാണ് സംസ്ഥാനത്ത് രോഗം ഭേദമായത്. തിങ്കളാഴ്ച്ച മാത്രം 92 പേർ രോഗമുക്തരായതായും ആരോഗ്യവകുപ്പ് അറിയിച്ചു.പുതുതായി കോവിഡ് സ്ഥിരീകരിച്ചതില്‍ പത്ത് പേര്‍ മാധ്യമപ്രവര്‍ത്തകരാണ്. മൂന്ന് ചാനലിലെ മാധ്യമപ്രവർത്തകർക്കാണ് കൊവിഡ് സ്ഥിരീകരിച്ചത്.ഇതോടെ സംസ്ഥാനത്ത് കോവിഡ് പിടിപെട്ട മാധ്യമപ്രവര്‍ത്തകരുടെ എണ്ണം 44 ആയി.
