വാട്‌സാപ്പില്‍ കടുത്ത നിയന്ത്രണം. അക്കൗണ്ടുകള്‍ നിരോധിക്കും. ഒരേ നമ്പറില്‍ നിന്ന് വാട്‌സാപ്പിലൂടെ ഒന്നിലേറെ തവണ വ്യാജ പ്രചരണം നടത്തുന്നത് ശ്രദ്ധയില്‍പ്പെട്ടാല്‍ അത്തരം അക്കൗണ്ടുകള്‍ നിരോധിക്കുമെന്ന് വാട്‌സാപ്പ്. കേന്ദ്ര സര്‍ക്കാരിന് വാട്‌സാപ്പ് നല്‍കിയ റിപ്പോര്‍ട്ടിലാണ് ഈ വിവരമുള്ളത്. ഇതിലേക്കായി അക്കൗണ്ട് ഉടമയുടെ ഐപി അഡ്രസ്സ്, ടെലികോം കമ്പനി വിശദാംശങ്ങള്‍ തുടങ്ങിയ വിവരങ്ങള്‍പ്രയോജനപ്പെടുത്താനുള്ള സംവിധാനവും ഏര്‍പ്പെടുത്തിയിട്ടുണ്ട്. അതോടൊപ്പം ഈ നമ്പര്‍ ഉപയോഗിച്ച് വീണ്ടും രജിസ്റ്റര്‍ ചെയ്താലും സന്ദേശങ്ങള്‍ അയക്കാന്‍ അനുവദിക്കാതെ തടയും.
