Webdunia - Bharat's app for daily news and videos

Install App

Who is Pinaki Misra: ആരാണ് മഹുവ മോയ്ത്രയുടെ 65കാരനായ വരൻ പിനാകി മിശ്ര, വിവാഹത്തിന് പിന്നാലെ തിരച്ചിലുമായി സൈബർ ലോകം

2010ല്‍ തൃണമൂലില്‍ എത്തിയ മഹുവ 2019ല്‍ ബംഗാളിലെ കരിമ്പൂര്‍ മണ്ഡലത്തില്‍ നിന്നാണ് ആദ്യമായി തിരെഞ്ഞെടുക്കപ്പെട്ടത്.

അഭിറാം മനോഹർ
വ്യാഴം, 5 ജൂണ്‍ 2025 (17:42 IST)
തൃണമൂല്‍ കോണ്‍ഗ്രസ് എം പിയായ മഹുവ മോയ്ത്ര വിവാഹിതയായ റിപ്പോര്‍ട്ടുകള്‍ പുറത്തുവന്നതിന് പിന്നാലെ മഹുവയുടെ ജീവിതപങ്കാളിയാരെന്ന് തിരെഞ്ഞ് സൈബര്‍ ലോകം. ബിജു ജനതാദള്‍ മുന്‍ എം പിയും 65കാരനുമായ പിനാകി മിശ്രയെയാണ് 50കാരിയായ മഹുവ മോയ്ത്ര ജീവിതപങ്കാളിയായി തിരെഞ്ഞെടുത്തത്. മെയ് 30ന് ജര്‍മനിയില്‍ നടന്ന സ്വകാര്യചടങ്ങിലായിരുന്നു ഇരുവരുടെയും വിവാഹം.
 
 ഒരു മുതിര്‍ന്ന ഇന്ത്യന്‍ രാഷ്ട്രീയ പ്രവര്‍ത്തകനും അഭിഭാഷകനുമാണ് പിനാകി മിശ്ര. അദ്ദേഹം ഒഡീഷയിലെ പുരി മണ്ഡലത്തില്‍ നിന്നുള്ള മുന്‍ ലോക്‌സഭാ എംപിയാണ്. 1996-ല്‍ ഇന്ത്യന്‍ നാഷണല്‍ കോണ്‍ഗ്രസിന്റെ സ്ഥാനാര്‍ത്ഥിയായാണ് പിനാകി മിശ്ര  തന്റെ രാഷ്ട്രീയ ജീവിതം ആരംഭിച്ചത്. പിന്നീട് അദ്ദേഹം ബിജു ജനതാദളില്‍ ചേര്‍ന്നു. 2009 മുതല്‍ 2024 വരെ തുടര്‍ച്ചയായി 3 തവണ എം പിയായി സേവനം അനുഷ്ടിച്ചു. ഫിനാന്‍സ് കമ്മിറ്റി, ബിസിനസ് ഉപദേഷക സമിതി, പ്രതിരോധ നിര്‍ദേശക സമിതി എന്നിങ്ങനെ പാര്‍ലമെന്റിലെ പല സമിതികളിലും നിര്‍ണായക സാന്നിധ്യമായിരുന്നു. ഡല്‍ഹി സര്‍വകലാശാലയില്‍ നിന്നും നിയമബിരുദം പാസായ പിനാകി മിശ്ര സുപ്രീം കോടതിയിലെ മുതിര്‍ന്ന അഭിഭാഷകന്‍ കൂടിയാണ്.
 
ബംഗാളിലെ കൃഷ്ണനഗര്‍ മണ്ഡലത്തില്‍ നിന്ന് രണ്ട് തവണ എം പിയായ മഹുവ മോയ്ത്ര പാര്‍ലമെന്റിലെ ശക്തമായ സാന്നിധ്യമാണ്. 1974 ഒക്ടോബര്‍ 12ന് അസമിലാണ് മഹുവ മോയ്ത്ര ജനിച്ചത്. യുഎസില്‍ നിന്നും സാമ്പത്തിക ശാസ്ത്രത്തില്‍ ബിരുദം നേടിയ മഹുവ രാഷ്ട്രീയത്തിലെത്തുന്നതിന് മുന്‍പ് ബാങ്കറായിരുന്നു. 2010ല്‍ തൃണമൂലില്‍ എത്തിയ മഹുവ 2019ല്‍ ബംഗാളിലെ കരിമ്പൂര്‍ മണ്ഡലത്തില്‍ നിന്നാണ് ആദ്യമായി തിരെഞ്ഞെടുക്കപ്പെട്ടത്.
 
ഇരുവരുടെയും രണ്ടാം വിവാഹമാണ്. മഹുവ മുന്‍പ് ഡാനിഷ് ഫിനാന്‍ഷ്യറായ ലാര്‍സ് ബ്രോര്‍സണുമായി വിവാഹിതയായിരുന്നു. പിന്നീട് വിവാഹമോചനം നേടി. പിനാകി മിശ്രയ്ക്ക് മുന്‍ വിവാഹത്തില്‍ 2 മക്കളുണ്ട്. അതേസമയം പിനാകി മിശ്രയുടെ കൈ പിടിച്ച് പോകുന്ന മഹുവ മോയ്ത്രയുടെ ഫോട്ടോ സമൂഹമാധ്യമങ്ങളില്‍ പ്രചരിച്ചതോടെയാണ് വിവാഹവാര്‍ത്ത പുറത്തുവന്നത്. എന്നാല്‍ ഇരുവരും വിവാഹത്തിനെ പറ്റി ഔദ്യോഗികമായി പ്രതികരിച്ചിട്ടില്ല.
 

അനുബന്ധ വാര്‍ത്തകള്‍

വായിക്കുക

Coolie vs War 2 : വാർ 2 എല്ലാം തലൈവർക്ക് മുന്നിൽ ജുജുബി, ബുക്കിങ്ങിൽ കൂലി ഏറെ മുന്നിൽ

ഇത്തവണ ബിജെപി, പ്രിയങ്കാ ഗാന്ധിയെ കാണാനില്ല, വയനാട് ജില്ലാ പോലീസ് മേധാവിക്ക് പരാതി നൽകി

പാക്കിസ്ഥാനെ ആക്രമിച്ച വീഡിയോയുമായി ഇന്ത്യന്‍ വ്യോമസേന

പട്ടിണി മരണങ്ങൾ വ്യാജം, ഹമാസിൽ നിന്നും മോചനം വേണമെന്നാണ് പലസ്തീനികൾ പറയുന്നത്, ഹമാസ് കേന്ദ്രങ്ങളെല്ലാം നശിപ്പിക്കുമെന്ന് നെതന്യാഹു

ഫെയ്‌സ്ബുക്കില്‍ താന്‍ എഴുതിയത് കവിതയാണെന്ന് വിനായകന്‍; കേസെടുക്കാന്‍ വകുപ്പില്ലെന്ന് പോലീസ്

എല്ലാം കാണുക

ഏറ്റവും പുതിയത്

പുടിന്റെ അംഗരക്ഷകര്‍ വിദേശ യാത്രകളില്‍ അദ്ദേഹത്തിന്റെ മലവും മൂത്രവും ശേഖരിച്ച് റഷ്യയിലേക്ക് തിരികെ കൊണ്ടുപോകുന്നു; കാരണം ഇതാണ്

മഴയ്ക്കു കാരണം ശക്തി കൂടിയ ന്യൂനമര്‍ദ്ദം; ഒപ്പം ന്യൂനമര്‍ദ്ദപാത്തിയും

പാലക്കാട് ജില്ലയിലെ വിദ്യാഭ്യാസ സ്ഥാപനങ്ങള്‍ക്കു നാളെ അവധി

സംസ്ഥാനത്തെ പാലം നിര്‍മാണം: വിദഗ്ധ സമിതിയെ നിയോഗിക്കും

World Photography Day: ലോക ഫോട്ടോഗ്രാഫി ദിനം – ക്യാമറയുടെ മാജിക് ലഭിച്ച ദിവസം

അടുത്ത ലേഖനം
Show comments