നാവികസേനയ്ക്കായി മൂന്ന് അന്തര്‍വാഹിനികള്‍ കൂടി നിര്‍മ്മിക്കാന്‍ ഇന്ത്യ
ഏകദേശം 3800 കോടി രൂപയുടെ പ്രതിരോധ കരാറാണ് ലഭിച്ചത്.
നാവികസേനയ്ക്കായി മൂന്ന് അന്തര്‍വാഹിനികള്‍ കൂടി നിര്‍മ്മിക്കാന്‍ ഇന്ത്യ. പ്രതിരോധ പൊതുമേഖലാ സ്ഥാപനമായ മസഗോണ്‍ ഡോക്ക്ഷിപ്പ് ബില്‍ഡേഴ്‌സ് ലിമിറ്റഡ് ആണ് അന്തര്‍വാഹിനികള്‍ നിര്‍മ്മിക്കുന്നത്. ഇതിനുള്ള കരാര്‍ ഈ മാസം ഒപ്പിട്ടേക്കും. ഏകദേശം 3800 കോടി രൂപയുടെ പ്രതിരോധ കരാറാണ് ലഭിച്ചത്.
അന്തര്‍വാഹിനിയുടെ 60ശതമാനവും ഇന്ത്യന്‍ ഘടകങ്ങളായിരിക്കും ഉപയോഗിക്കുന്നത്. പ്രതിരോധ രംഗത്തെ സ്വയം പര്യാപ്തത ലക്ഷ്യമിട്ട് ആത്മനിര്‍ഭര്‍ പദ്ധതിയിലൂടെയാണ് അന്തര്‍വാഹിനി നിര്‍മ്മിക്കുന്നത്. കല്‍വേലി ക്ലാസില്‍ വരുന്ന അന്തര്‍വാഹിനി ഡീസല്‍ ഇലക്ട്രിക് അന്തര്‍വാഹിനിയാണ് നിര്‍മ്മിക്കുന്നത്. ഇന്ത്യയും ഫ്രാന്‍സും സംയുക്തമായി വികസിപ്പിച്ചതാണ് കല്‍വരി ക്ലാസ് അന്തര്‍വാഹിനി.
നിലവില്‍ കല്‍വരി ക്ലാസില്‍ വരുന്ന 5 അന്തര്‍വാഹിനികള്‍ നാവിക സേനയ്ക്കുണ്ട്. മൂന്നെണ്ണം കൂടി വരുന്നതോടെ ഈ ഇനത്തില അന്തര്‍വാഹിനികളുടെ എണ്ണം ഒമ്പതായി ഉയരും.
