ആളുങ്ങളുടെ ആ ‘കഴിവ്‘ ഇല്ലാതാക്കും, ശേഷം അവരുടെ ഭാര്യമാര്‍ക്ക് കുട്ടികളെ സമ്മാനിക്കും! - ഗുര്‍മീതിന്റെ ബുദ്ധി കൊള്ളാം!

ആളുങ്ങളുടെ ആ ‘കഴിവ്‘ ഇല്ലാതാക്കും, ശേഷം അവരുടെ ഭാര്യമാര്‍ക്ക് കുട്ടികളെ സമ്മാനിക്കും! - ഗുര്‍മീതിന്റെയൊരു ബുദ്ധി

പീഡന കേസില്‍ കുറ്റക്കാരനെന്ന് വിധിക്കപ്പെട്ട ആള്‍ദൈവം ഗുര്‍മീത് റാം റഹീം സിങിനെ കുറിച്ച് ഞെട്ടിപ്പിക്കുന്ന വിവരങ്ങളാണ് ദിവസവും പുറത്ത് വരുന്നത്. ശിക്ഷ വിധിച്ചതിന് ശേഷം ഗുര്‍മീതിന്റെ അനിയായികള്‍ ഹരിയാനയിലും പഞ്ചാബിലും കലാപം നടത്തിയിരുന്നു. അതില്‍ നിരവധി പേര്‍ക്ക് പരിക്കേല്‍ക്കുകയും 35 പേര്‍ മരിച്ചതായും റിപ്പോര്‍ട്ട് വന്നിട്ടുണ്ട്.

കലാപം നടത്തിയ ജനക്കൂട്ടത്തില്‍ പലര്‍ക്കും ആയുധ പരിശീലനം ലഭിച്ചിരുന്നതായും പറയപ്പെടുന്നു.

സ്ത്രീകളെ ബലാത്സംഗം ചെയ്യുന്നത് മാത്രമല്ല, പുരുഷന്‍മാരേയും ഗുര്‍മീത് വെറുതേ വിട്ടിരുന്നില്ല എന്നാണ് റിപ്പോര്‍ട്ട്. ദേര സച സൗദയുടെ ആസ്ഥാനം ഏതാണ് 1,300 ഏക്കറോളം വിസ്തൃതിയുള്ള സ്ഥലമാണ്. അവിടെ ആശ്രമവും ആഡംബര വീടുകളും ആശുപത്രിയും സ്‌കൂളും എല്ലാം ഉണ്ട്. 

ആശ്രമത്തിലെ അന്തേവാസികളും അനുയായികളും ആയ നാനൂറോളം പേരെ ഗുര്‍മീത് നിര്‍ബന്ധിത വന്ധ്യം കരണത്തിന് വിധേയരാക്കി എന്ന് ആരോപണം ഉണ്ട്. എന്നാല്‍ താന്‍ ആരേയും അതിന് നിര്‍ബന്ധിച്ചിട്ടില്ല എന്നായിരുന്നു വിശദീകരണം. ദൈവത്തോട് കൂടുതല്‍ അടുക്കാന്‍ സാധിക്കും എന്ന് പറഞ്ഞാണ് പുരുഷന്‍മാരെ വന്ധ്യംകരണത്തിന് വിധേയരാക്കിയത്. വന്ധ്യംകരണത്തിന് വിധേയരയാ പുരുഷന്‍മാരുടെ ഭാര്യമാരും ആശ്രമത്തില്‍ ഉണ്ടായിരുന്നു എന്നും ആരോപണങ്ങളുണ്ട്. 

അവരില്‍ ഗുര്‍മീതിന് കുട്ടികള്‍ ജനിച്ചിരുന്നു എന്നും ചിലര്‍ ആരോപണം ഉയര്‍ത്തുന്നുണ്ട്. ദൈവത്തെ പോലെ കരുതിയിരുന്ന ഗുര്‍മീതിന് ശരീരം സമര്‍പ്പിക്കാന്‍ ആരാധകരായ സ്ത്രീകള്‍ക്ക് സമ്മതമായിരുന്നു എന്നും റിപ്പോര്‍ട്ടുകള്‍ വരുന്നുണ്ട്. ഗുര്‍മീതില്‍ നിന്ന് ഗര്‍ഭം ധരിക്കാനും സ്ത്രീകള്‍ ആഗ്രഹിച്ചിരുന്നതായി ആരോപണം ഉണ്ട്.