ഇന്നത്തെ രാഷ്ട്രീയ സംവിധാനത്തിൽ മാറ്റം വരുത്തണമെന്ന് രജനികാന്ത്
കര്‍ണാടകയില്‍ നിന്ന് വന്ന എന്നെ നിങ്ങള്‍ തമിഴനാക്കി, തനിക്കെതിരെയുള്ള അഭ്യൂഹങ്ങള്‍ക്ക് നടന്റെ മറുപടി
തമിഴ് രാഷ്ട്രീയത്തിലേക്ക് പ്രവേശിക്കുമെന്ന അഭ്യൂഹങ്ങളുമായി ബന്ധപ്പെട്ട് വീണ്ടും സൂചനകള്‍ നല്‍കി നടന്‍ രജനികാന്ത്. കോടമ്പാക്കത്ത് രാഘവേന്ദ്ര മണ്ഡപത്തില്‍ ആരാധകരുമായി നാലുദിവസമായി തുടരുന്ന കൂടിക്കാഴ്ചയിൽ രാഷ്ട്രീയ കാര്യങ്ങളെക്കുറിച്ചുള്ള സൂചനകൾ താരം നല്‍കിയിട്ടുണ്ട്.
കൂടിക്കാഴ്ചയുടെ അവസാന ദിവസമായ ഇന്ന് അദ്ദേഹം പറഞ്ഞത് ഇന്നത്തെ രാഷ്ട്രീയ സംവിധാനത്തിൽ മാറ്റം വരണമെന്നും ഇന്നത്തെ രാഷ്ട്രീയ സംവിധാനം ജനങ്ങളെക്കുറിച്ചു ചിന്തിക്കുന്നില്ല. അവർക്കുവേണ്ടി ഒന്നും ചെയ്യുന്നില്ല. ഇതിൽ മാറ്റം വരണമെന്നും രജനി അഭിപ്രായപ്പെട്ടു.
23 വര്‍ഷം ഞാന്‍ കര്‍ണാടകയില്‍ ജീവിച്ചു. എന്നിട്ടും ഞാന്‍ പുറത്ത് നിന്ന് വന്നവനാണെന്നാണ് പലരും പറയുന്നു.കര്‍ണാടകയില്‍ നിന്ന് വന്ന എന്നെ നിങ്ങള്‍ തമിഴനാക്കി. പലര്‍ക്കും എതിര്‍പ്പുകളുണ്ടായിരിക്കും. ഇപ്പോഴ് ഈ അതിര്‍പ്പുകളായിരിക്കും രാഷ്ട്രീയത്തിന്റെ മൂലധനം എന്ന് പറയുന്നതെന്നും അദ്ദേഹം വ്യക്തമാക്കി. എല്ലാത്തിനും ഒരു സമയമുണ്ട് അത് വരെ നിങ്ങള്‍ കാത്തിരിക്കണം എന്നും രജനി കാന്ത് പറഞ്ഞു.
