‘എനിക്കിനി ജീവിക്കേണ്ട, എന്നെ തൂക്കിലേറ്റണം’; ഗുര്‍മീതിന്റെ മനോനില തെറ്റി ?
ഗുര്‍മീതിന്റെ മനോനില തെറ്റി ?
പീഡനക്കേസില്‍ അറസ്റ്റിലായി 20 വര്‍ഷം തടവു ശിക്ഷയ്ക്ക് വിധിച്ച ദേരാ സച്ചാ സൗദാ തലവനും, വിവാദ ആള്‍ദൈവവുമായ ഗുര്‍മീത് റാം റഹിം സിങ്ങിന്റെ മനോനില തെറ്റി എന്ന വെളിപ്പെടുത്തല്‍. കഴിഞ്ഞ ദിവസം ജാമ്യത്തിലിറങ്ങിയ ജയിലിലെ സഹതടവുകാരനാണ് ഞെട്ടിക്കുന്ന വെളിപ്പെടുത്തല്‍ നടത്തിയിരിക്കുന്നത്.
ഗുര്‍മീത് ജയിലില്‍ എത്തിയതിനു പിന്നാലെ തനിയെ ഇരുന്ന് സംസാരത്തോട് സംസാരമായിരുന്നുവെന്നും, പഞ്ചാബിയില്‍ 'എന്റെ വിധി എന്താ ദൈവമേ' എന്ന് ആവര്‍ത്തിച്ച് പറഞ്ഞുകൊണ്ട് തന്നെ ഇരിക്കുകയാണെന്നും ഇയാള്‍ വെളിപ്പെടുത്തിയിരുന്നു. വിധി അറിഞ്ഞശേഷം ജയില്‍ മുറിയില്‍ എത്തിയ ആള്‍ദൈവം മുട്ടുകുത്തി എനിക്കിനി ജീവിക്കേണ്ട, എന്നെ തൂക്കിലേറ്റണമെന്ന് കരഞ്ഞപേക്ഷിക്കുന്നതായും തടവുകാരന്‍ വെളിപ്പെടുത്തി.
